ডিজিটেল ডেস্কঃ শেষ হ’ল টি-২০ বিশ্বকাপ-২০২১। শেষ হোৱাৰ দুটা দিনৰ পিছতে আই চি চিয়ে ঘোষণা কৰিলে টি ২০ বিশ্বকাপ-২০২২ৰ সময়সূচী। আই চি চিয়ে ঘোষণা কৰা সময়সূচী অনুসৰি- ২০২২ৰ ১৬অক্টোবৰত আৰম্ভ হ’ব বিশ্বকাপৰ প্ৰথমখন খেল। ফাইনেল অনুষ্ঠিত হ’ব ১৩নৱেম্বৰত।

প্ৰায় ৭খন ষ্টেডিয়ামত অনুষ্ঠিত হ’ব টি-২০ বিশ্বকাপ ২০২২ৰ মেচ সমূহ। ৯ নৱেম্বত চিডনি আৰু ১০ নৱেম্বৰত অ্যাডিলেড ষ্টেডিয়ামত অনুষ্ঠিত হ’ব দুখনকৈ ছেমি ফাইনেল। ফাইনেল মেচখন অনুষ্ঠিত হ’ব মেলবৰ্নত। এইখিনিতে উল্লেখ কৰা প্ৰয়োজন যে, টি-২০ বিশ্বকাপ-২০২০ৰ ফাইনেল খেলখনো অনুষ্ঠিত হৈছিল মেলবৰ্নত।

এই খেলখনত ৰেকৰ্ডসংখ্যক ৮৬হাজাৰ ১৭৪গৰাকী দৰ্শকে ষ্টেডিয়ামত বহি খেল চাইছিল। প্ৰায় ১২খন দেশে ২০২২ৰ টি-২- বিশ্বকাপত অংশ ল’ব। আই চি চিয়ে সদৰি কৰা অনুসৰি অহা বৰ্ষত, ওমান আৰু জিম্বাবোয়ে বিশ্বকাপৰ যোগ্যতা লাভ কৰিব।