ডিজিটেল ডেস্কঃ পত্ৰলেখাৰ সৈতে বিয়াৰ এটা বছৰৰ পাৰ হল সুদৰ্শন অভিনেতা ৰাজকুমাৰৰ।  এই এটা বছৰ ঘৰত বাচন ধোৱাৰ লগতে ঘৰ সাৰি পত্নীক বিভিন্ন ধৰণে সহায় কৰিছে ৰাজকুমাৰে। এই কথা নিজেই অনুৰাগীসকলৰ সৈতে ছচিয়েল মিডিয়াত শ্বেয়াৰ কৰিছে অভিনেতাগৰাকীয়ে।

অভিনেতাগৰাকীয়ে কয়- সৰুতে মই বিভিন্ন ঘৰুৱা কামত মাক সহায় কৰিছিলো। ঘৰুৱা কামবোৰৰ ভিতৰত মই বাচন ধোৱা আৰু ঘৰ সৰা, এই কাম দুটাই সকলোতকৈ ভাল পাও। এতিয়াও মই পত্নীক এই কাম দুটাত সহায় কৰো। মই স্বইচ্ছাই তেওঁক এইবোৰ কামত সহায় কৰো। কিয়নো এইবোৰ কাম কৰাটো মোৰ এটা অভ্যাসত পৰিণত হৈছে।

উল্লেখ কৰা প্ৰয়োজন যে, ১১টা বছৰ প্ৰেমৰ সম্পৰ্কত থকাৰ পাছত ২০২১ৰ ১৫ নম্বেবৰত বিবাহ পাশত আৱদ্ধ হৈছিল পত্ৰলেখা আৰু ৰাজকুমাৰ। দুয়োৰে মাজত থকা বুজা-পৰাৰ বাবেই ৰাজকুমাৰ ব্যস্ততাৰ মাজতো এনেদৰে সহায় কৰে পত্নীক।