ডিজিটেল ডেস্কঃ ৰাজ্য তথা দেশৰ ভিতৰতে এখনি অগ্ৰনী শিক্ষানুষ্ঠান কটন বিশ্ববিদ্যালয়ত বিগত কেইটামান বছৰৰ পৰা বৃদ্ধি পাইছে হিংসাত্মক ঘটনা। ছাত্ৰ একতা সভাৰ নিৰ্বাচনৰ সময়ত কটনৰ কি অৱস্থা হৈছিল সেয়া নতুনকৈ কোৱাৰ প্ৰয়োজন নাই। কিন্তু শেহতীয়াকৈ অনুৰূপ ঘটনা সংঘটিত হোৱাৰ পাছতে এতিয়া কটন বিশ্ববিদ্যালয়ৰ শৈক্ষিক পৰিৱেশক লৈ চিন্তিত হৈ পৰিছে বিদ্বান মহল।

শুকুৰবাৰে নিশা কটন বিশ্ববিদ্যালয়ৰ হোষ্টেলত মাৰপিটৰ ঘটনা সংঘটিত হয়। কটনৰ শ্বহীদ মোজাম্মিল হক ছাত্ৰাবাসত সংঘটিত হৈছে এই মাৰপিটৰ ঘটনা। ৰজনী কান্ত বৰদলৈ হোষ্টেলৰ ছাত্ৰই মাৰ পিট কৰাৰ অভিযোগ  উত্থাপিত কৰিছে এই হোষ্টেলটোৰ আৱাসী সকলে ৷

এই ঘটনাৰ ফলত হোষ্টেলটোৰ কোঠাৰ গ্লাচ ভঙাৰ লগতে এজন ছাত্ৰৰ এ মূৰ ফটাৰ ফলত ১৬ টাকৈ চিলাই পৰিছে। ইতিমধ্যে পান বজাৰ আৰক্ষী থানাত গোচৰ দিয়াৰ প্ৰস্তুতি কৰিছে শ্বহীদ মোজাম্মিল হক ছাত্ৰবাসৰ ছাত্ৰসকলে । প্ৰাপ্ত তথ্য অনুসৰি এটা ফেচবুক পোষ্টক কেন্দ্ৰ কৰি সৃষ্টি হোৱা বিতৰ্কৰ ফলতে সৃষ্টি হ’ল এই ঘটনাৰ।