ডিজিটেল ডেস্কঃ বিপদে ল’গ এৰা নাই অভিনেত্ৰী শিল্পা চেট্টী আৰু তেওঁৰ স্বামী ৰাজ কুন্দ্ৰাক৷ পৰ্ণগ্ৰাফী ছবি নিৰ্মাণৰ অভিযোগত ৰঙাঘৰলৈ যোৱা ৰাজ কুন্দ্ৰাৰ বিৰুদ্ধে উত্থাপন হৈছে আন এক গুৰুতৰ অভিযোগ৷ এই অভিযোগ উত্থাপিত হৈছে ৰাজ কুন্দ্ৰাৰ লগতে অভিনেত্ৰী শিল্পা চেট্টীৰ বিৰুদ্ধেও। ১ কোটি ৫১ লাখ টকা প্ৰতাৰণা কৰাৰ অভিযোগ উত্থাপন হৈছে শিল্পা আৰু ৰাজৰ বিৰুদ্ধে ৷ এই অভিযোগ উত্থাপন কৰিছে নীতিন বৰাই নামৰ এজন ব্যক্তিয়ে৷ ইতিমধ্যে ব্যক্তিগৰাকীয়ে মায়ানগৰী মুম্বাইৰ বান্দ্ৰা আৰক্ষী চকীত ৰুজু কৰিছে এক গোচৰ৷

ৰাজ কুন্দ্ৰাৰ লগতে শিল্পাও যাব ৰঙাঘৰলৈ!

নীতিন বৰাই প্ৰকাশ কৰা অনুসৰি, অভিনেত্ৰী শিল্পা চেট্টী আৰু তেওঁৰ স্বামী ৰাজ কুন্দ্ৰাই ফিটনেছ কোম্পানী এটাৰ মাধ্যমেৰে ২০১৪-২০১৫ চনত নীতিনৰ পৰা ধন আত্মসাৎ কৰিছিল৷ ফিটনেছ আঁচনিৰ দ্বাৰা অধিক লাভৱান হ’ব বুলি ৰাজ আৰু শিল্পাই আশ্বাস দিছিল নীতিনক৷ যাৰ বাবে ৰাজৰ সৈতে কাম কৰিবলৈ নীতিন আগবাঢ়ি আহিছিল৷ এই ধন উভতাই দিয়াত অস্বীকাৰ কৰাৰ বাবেই ৰাজ কুন্দ্ৰা আৰু শিল্পা চেট্টীৰ বিৰুদ্ধে গোচৰ ৰুজো কৰিছে নীতিনে৷ কুন্দ্ৰাৰ বিৰুদ্ধে ৪০৬, ৪০৯, ৪২০, ৫০৬, ৩৪ আৰু ১২০ (বি) ধাৰাত গোচৰ ৰুজো হোৱা বুলি জনাইছে নীতিনে৷

উল্লেখ্য যে, চলিত বছৰৰ জুলাই মাহত পৰ্ণগ্ৰাফী ভিডিও বনোৱা আৰু আপলোড দিয়াৰ অভিযোগত আৰক্ষীয়ে গ্ৰেপ্তাৰ কৰিছিল ৰাজ কুন্দ্ৰাক৷ গ্ৰেপ্তাৰৰ পিছতেই আৰ্থাৰ ৰোড জেলত থাকিবলগীয়া হৈছিল ৰাজ কুন্দ্ৰা৷ ব্যৱসায়ী ৰাজে চিনেমাত যুৱতীসকলক কাম দিয়াৰ চলনাৰে বনাইছিল অশ্লীল ভিডিও৷ যাৰ অভিযোগত গ্ৰেপ্তাৰ কৰা হৈছিল ব্যৱসায়ী ৰাজ কুন্দ্ৰাক৷ কিছুদিন পূৰ্বে জেলৰ পৰা ওলোৱা ৰাজ এইবাৰ পত্নীসহিতে জেললৈ যাব বুলি প্ৰচাৰ চলা পৰিলক্ষিত হৈছে।