ডিজিটেল ডেস্কঃ নেপালৰ দুৰ্ঘটনাগ্ৰস্থ বিমানত আছে ভাৰতীয় লোকো। দেওবাৰে পুৱা ১০ বজাৰ পৰা নেপালৰ পোখৰা বিমান বন্দৰৰ পৰা জমচম যোৱাৰ পথত নিখোজ হৈছে এখন বিমান। নিখোজ যাত্ৰীবাহী বিমানখনত উৰণত সময়ত আছিল ২২গৰাকীকৈ যাত্ৰী। নিখোজ বিমানখনত আছিল বিহাৰৰ একেটা পৰিয়ালৰে ৭গৰাকীকৈ লোক।

মুক্তিনাথ তীৰ্থ দৰ্শনৰ বাবে নেপালৰ পোখৰাৰ পৰা বিমানেৰে যাত্ৰা কৰিছিল পৰিয়ালটোৱে। ৰাজনকুমাৰ গোল নামৰ ব্যক্তিগৰাকীয়ে পৰিয়ালসহিতেই যাত্ৰা কৰিছিল মুক্তিধাম দৰ্শনৰ বাবে। পৰিয়ালৰ সদস্য ক্ৰমে ৰাজনকুমাৰৰ পিতৃ বাহাদুৰ গোলে, মাতৃ ৰামায়া গোলে, খুৰাক পুৰুষোত্তম গোলে, খুৰীয়েক তুলসী দেৱী, মোমায়েক মকৰ বাহাদুৰ আৰু মামীয়েক সুকুমাৰ তমাল। বৰ্তমানলৈ নিখোজ বিমানত যাত্ৰা কৰা ২২গৰাকী যাত্ৰীৰ এগৰাকীৰো সন্ধান লাভ কৰিবলৈ সক্ষম হোৱা নাই। নিখোজ হোৱাৰ পূৰ্বে শেষবাৰৰ বাবে বিমানখন দেখা গৈছিল নেপালৰ মুস্তাঙ্গ নামৰ এলেকাটোৰ আশে-পাশে। কিন্তু বিমানখনে তাত অৱতৰণ কৰাৰ আগেয়েই ধবলগীৰি পাহাৰৰ ফালে পুনৰ উভতি যায়। উভতি যোৱাৰ পিছৰে পৰাই বিমানখনৰ কোনোধৰণৰ সন্ধান লাভ কৰিবলৈ সক্ষম হোৱা নাই।

সোমবাৰৰ পুৱাৰ পৰাই বিমানখন বিচাৰি সন্ধান অব্যাহত আছে। বিমানখনত যাত্ৰা কৰা ২২ যাত্ৰীৰ ৪গৰাকীয়ে আছিল ভাৰতীয়। ইয়াৰোপৰি তাত দুগৰাকীকৈ জাৰ্মান আৰু ১৩গৰাকী নেপালৰ লগতে অইন তিনিজন আছিল বিমান কৰ্মী। কিন্তু বিহাৰৰ পৰিয়ালটোৰ দাবী যে তেওঁলোকৰো ৭গৰাকীকৈ যাত্ৰী আছিল বিমানখনত।