ডিজিটেল ডেস্কঃ কিছু সকাহ প্ৰদান কৰি বিগত ৪টা দিন স্থিৰ অৱস্থাত আছে পেট্ৰল-ডিজেলৰ মূল্য। প্ৰতিটো দিনতেই দাম বৃদ্ধি হোৱা পেট্ৰল-ডিজেলৰ মূল্যবৃদ্ধি বিগত ৪টা দিনে হোৱা নাই। এই খবৰক লৈ জনতাই কিছুহলেও সকাহ লাভ কৰিছে। উল্লেখ কৰা প্ৰয়োজন যে, ৫ৰাজ্যৰ নিৰ্বাচনৰ পাছতে অতিপাত গতিত বৃদ্ধি পাইছিল পেট্ৰল-ডিজেলৰ লগতে সকলো প্ৰয়োজনীয় সা-সামগ্ৰীৰ।

উল্লেখ কৰা প্ৰয়োজন যে, দাম সাল-সলনি নহলেও এতিয়াও গুৱাহাটীত এক লিটাৰ পেট্ৰলৰ মূল্য ১০৫.৬৬টকা। ইফালে লখিমপুৰত ১লিটাৰ পেট্ৰলৰ মূল্য ১০৮.১২টকা, মাজুলীত ১০৮.১৬টকা আৰু ধুবুৰীত ১০৬.৪৩টকা।

ইফালে, গোৱালপাৰাত ১লিটাৰ পেট্ৰলৰ দাম ১০৬.৬০টকাৰ হোৱা বিপৰীতে তিনিচুকীয়াত ১০৫.৯৩টকা। অসমৰ ভিতৰতে পেট্ৰলৰ মূল্য সৰ্বাধিক হৈছে লখিমপুৰ আৰু মাজুলীত।