ডিজিটেল ডেস্কঃ ৬বছৰ জুৰি পৰ্ণ ইণ্ডাষ্ট্ৰীত হাজাৰৰো অধিক ছবিত অভিনয় কৰিছিল৷ সেই সময়খিনিত নীলা ছবিৰ পৃথিৱীত তেওঁৰ নাম-খ্যাতি-যশ সকলো আছিল৷ ধন-সম্পত্তিও কুলাই-পাচিয়ে নধৰাকৈ ঘটিছিল৷ এই বিখ্যাত পৰ্ণ তাৰকাগৰাকীয়েই হৈছে জশুৱা ব্ৰুম৷

আমেৰিকাৰ প্ৰাক্তন পৰ্ণ তাৰকাগৰাকী এতিয়া সকলোৰে পূজনীয় এজন ব্যক্তি৷ ৰত্নাকৰো বাল্মীকি হৈছিল সেই ধাৰাৰেই পৰ্ণ তাৰকাগৰাকীয়ে সলাই পেলালে জীৱন-যাপন প্ৰণালী৷ বৰ্তমান জশুৱা এজন বাইবেলৰ বাণী প্ৰচাৰ কৰোতা৷ এসময়ত নিজেই নিয়োজিত পৰ্ণ ইণ্ডাষ্ট্ৰীৰ বেয়া দিশসমূহো জনসাধাৰণৰ সন্মুখলৈ লৈ অহাত কৃপনালী কৰা নাই জশুৱাই৷

২০১২ চনত পৰ্ণ ইণ্ডাষ্ট্ৰীক হঠাতে বিদায় দিয়াৰ সিদ্ধান্ত লয় জশুৱাই৷ জশুৱাৰ এই তাৎক্ষণিক সিদ্ধান্তত সৃষ্টি হয় ব্যাপক আলোড়নৰো৷ কিয় আঁতৰি আহে এইখন জগতৰ পৰা সেই সম্পৰ্কেও জশুৱাই নিজা মন্তব্যত কেইবাবাৰো উল্লেখ কৰিছে৷ তেওঁ কয় যে, ‘পৰ্ণ ছবিত কাম কৰিবলৈ তেওঁ মানসিকভাৱে কোনোদিনেই প্ৰস্তুত নাছিলো৷ আত্মপৰিচয়হীন এখন পৃথিৱীয়ে মোক কোনোকালেই আকৰ্ষণ কৰিব নোৱাৰে৷ টকা আছিল, আত্মসন্তুষ্টি নাছিল৷ নিজকে শেষ কৰি দিবলৈ বহুবাৰ চেষ্টা কৰিও উভতি আহিছিলো৷ পৰ্ণ ছবিত কাম কৰিবলৈ নহয় হলীউড অভিনেতা হ’বলৈহে লছ এঞ্জেলছলৈ আহিছিলো৷’

পৰ্ণ ছবিৰ পৃথিৱীক বিদায় দিয়াৰ পিছতেই তাৰ কলংক কঢ়িয়াই ফুৰি অশান্তিৰ জীৱন কটাইছিল জশুৱাই৷ সেই অশান্তিকৰ জীৱনৰ পৰা পৰিত্ৰাণ বিচাৰিয়েই ধৰ্মগুৰুৰ কাষ চাপিছিল জশুৱা৷ ধৰ্মগুৰুৰ নিৰ্দেশ পালন কৰিয়েই জশুৱাই মানসিক উপশম লাভ কৰে৷ লগে লগেই তেওঁৱো সিদ্ধান্ত ল’লে যে, ক্ষন্তেকীয়া সুখ মানুহৰ হাতত তুলি দিয়াতকৈ আত্মাৰ সুখ তুলি দিয়াতহে জীৱনৰ আচল মাদকতা থাকে৷ ধৰ্মপ্ৰচাৰক গৰাকীৰ আদৰ্শ অনুসৰণ কৰিয়েই তেওঁৱো ধৰ্ম প্ৰচাৰৰ কামত নিজকে মনোনিৱেশ কৰে৷