ডিজিটেল ডেস্কঃ AIUD-ৰ বিৰুদ্ধে সৰৱ হৈ উঠিছে কংগ্ৰেছ সভাপতি ভূপেন বৰা। কংগ্ৰেছ সভাপতি ভূপেন বৰাই সংবাদমেলযোগে ‘আগৰ ইণ্ডাষ্ট্ৰিজ ধকেবাজ ফ্ৰণ্ট’ আখ্যা দিছে AIUDF দলটোক। সংবাদমেলযোগে বহুকেইটা বিস্ফোৰক মন্তব্য দাঙি ধৰি কংগ্ৰেছ সভাপতি গৰাকীকে কয় যে, ‘AIUDF-ৰ পৰামৰ্শ মতে ৰিপুন বৰাক প্ৰাৰ্থিত্ব দিয়া হৈছিল’।

শেহতীয়াভাৱে AIUDF-য়ে নিজেই কাষ চাপিছিল কংগ্ৰেছৰ। মুখ্যমন্ত্ৰীক প্ৰশংসা কৰাৰ বাবে ৬ মাহ পূৰ্বেই ভংগ হৈছিল AIUDF-ৰে কংগ্ৰেছ দলৰ মিত্ৰতা’। AIUDF-ৰ বিধায়ক মজিবুৰ ৰহমানৰ ভিডিঅ’তহে AIUDF য়ে ১৫ টা ভোট দিছে নে নাই সেয়া স্পষ্ট হ’ব বুলিও মন্তব্য কংগ্ৰেছ সভাপতিগৰাকীৰ।

ইফালে ছিদ্দিক আহমেদে বেলটত কেৱল ONE বুলি লিখি অহাকলৈও প্ৰশ্ন। ইতিমধ্যে কংগ্ৰেছ দলটোৱে তাৎক্ষণিকভাৱে নিলম্বন কৰিছে ছিদ্দিক আহমেদক। প্ৰতাৰণা তথা বিশ্বাসঘাতকতা কৰাৰ বাবে ছিদ্দিকক নিলম্বন কৰিছে দলটোৱে। ইপিনে শশীকান্তৰ ভোট বাতিলৰ বাবেও নিৰ্বাচন আয়োগলৈ পত্ৰ APCC-ৰ। বিভিন্ন আঁসোৱাহৰ মাজতো বিৰোধীৰ ২৭ টা ভোট কংগ্ৰেছেই পাব বুলি নিশ্চিত ভূপেন বৰা।