সাধাৰণতে ৩০ৰ দেওনা পাৰ কৰাৰ পিছত মহিলাসকলৰ হাড়বোৰ দুৰ্বল হৈ পৰে। এই দিশটো সাধাৰণ যেন লাগিলেও পিছলৈ ই আপোনাৰ শৰীৰত ভয়ংকৰ ৰূপ ধাৰণ কৰিব। বয়স বৃদ্ধিৰ লগে লগে হৰম’নৰ পৰিৱৰ্তন আৰু জীৱনশৈলীৰ কাৰকে হাড়ৰ শক্তিত প্ৰভাৱ পেলায় । সময়ত সাৱধানতা অৱলম্বন নকৰিলে, গুৰুতৰ সমস্যাৰো সৃষ্টি হব পাৰে। হাড়সমূহ দুৰ্বল হোৱাৰ অন্যতম কাৰণ হ’ল মহিলাৰ ইষ্ট্ৰজেন হৰম’নৰ অভাৱ ৷ এই হৰম’নে হাড়ৰ শক্তি বজাই ৰখাত সহায় কৰে। ৩৫ ৰ পিছত ইষ্ট্ৰজেনৰ মাত্ৰা ক্ৰমান্বয়ে হ্ৰাস পাবলৈ আৰম্ভ কৰে, যাৰ ফলত হাড়ত কেলচিয়াম ক্ষয় আৰু ভাঙি যোৱাৰ সম্ভাৱনা বৃদ্ধি পায়।

হাড়ৰ শক্তিৰ বাবে কেলচিয়াম আৰু ভিটামিন ডি অতি গুৰুত্বপূৰ্ণ ৷
গাখীৰ, দৈ, পনিৰ, সেউজীয়া শাক-পাচলি।
এই সকলোবোৰ বস্তুৱে হাড়বোৰ শক্তিশালী কৰি তোলে আৰু হাড়ৰ ঘনত্ব বজাই ৰখাত সহায় কৰে ৷

হাড়ৰ শক্তিৰ ৰহস্য

কেৱল খাদ্যাভ্যাসৰ জৰিয়তেহে হাড় সবল হৈ নাথাকে। ব্ৰিস্ক ৱাকিং , যোগাসন আৰু ৰেজিষ্টেন্স ট্ৰেইনিঙৰ দৰে লঘু ওজনৰ ব্যায়ামে হাড় শক্তিশালী কৰে । ইয়াৰ উপৰিও ই পেশীৰ শক্তি বৃদ্ধি কৰে আৰু পতনৰ ফলত ভাঙি যোৱাৰ সম্ভাৱনাও হ্ৰাস কৰে।

কিছুমান অভ্যাস সলনি কৰিব লাগিব
ধূমপান আৰু অত্যধিক মদ্যপান পৰিহাৰ কৰক ৷
সুষম আৰু পুষ্টিকৰ খাদ্য গ্ৰহণ কৰক ৷
নিয়মিতভাৱে পৰীক্ষা কৰাওক যাতে হাড়ৰ দুৰ্বলতা সময়মতে ধৰা পৰে ।​​​​​
সৰু সৰু অভ্যাসে দীৰ্ঘকালীনভাৱে হাড়ক সুৰক্ষা দিয়ে আৰু জীৱনক সক্ৰিয় কৰে ৷
৩৫ বছৰৰ পিছত হাড়ৰ দুৰ্বলতা এটা সাধাৰণ সমস্যা যদিও ই অনিবাৰ্য নহয় ৷​​ সঠিক খাদ্যাভ্যাস, দৈনিক ব্যায়াম, জীৱনশৈলীৰ পৰিৱৰ্তন আদি গ্ৰহণ কৰি মহিলাসকলে নিজৰ হাড়বোৰ মজবুত কৰি ৰাখিব পাৰে। যদি আপুনি ওপৰত উল্লেখ কৰা কথাবোৰত অলপমানো গুৰুত্ব দিয়ে, তেন্তে এনে সমস্যাৰ সৃষ্টি নহ’ব ৷