সচৰাচৰ আমি আমাৰ দেহৰ বিষসমূহক আওকান দিওঁ নতুবা ঔষধৰ সহায়ত তাক পাতলাই ৰাখো কিন্তু এটা সাধাৰণ বিষে পিছলৈ মাৰাত্মক ৰূপ ধাৰণ কৰিব পাৰে। ভৰিৰ বিষ আৰু খোজ কঢ়াত অসুবিধা হোৱাটো ভিটামিন ডিৰ অভাৱৰ লক্ষণ হ’ব পাৰে। আমি প্ৰায়ে ভৰিৰ বিষক ভাগৰ, দীঘলীয়া কাম বা বয়স বৃদ্ধিৰ চিন বুলি গণ্য কৰোঁ , কিন্তু যদি এই বিষ সঘনাই হ’বলৈ আৰম্ভ কৰে, খোজ কঢ়াত অসুবিধা হয় আৰু ভৰিৰ দুৰ্বলতা হয় , তেন্তে ইয়াক সহজভাৱে ল’ব নালাগে ৷ স্বাস্থ্য বিশেষজ্ঞসকলৰ মতে ভৰিৰ অহৰহ বিষ হোৱাৰ এটা প্ৰধান কাৰণ হ’ব পাৰে শৰীৰত ভিটামিন ‘D’ৰ অভাৱ ৷ সূৰ্যৰ পোহৰত ভিটামিন D থাকে, ইয়াৰ কাম হ’ল শৰীৰত কেলচিয়াম বজাই ৰখা , যাতে হাড়বোৰ মজবুত হৈ থাকে ৷ শৰীৰত ভিটামিন ডিৰ অভাৱ হ’লে হাড়বোৰ দুৰ্বল হ’বলৈ ধৰে, পেশীবোৰ টানিবলৈ ধৰে আৰু লাহে লাহে ভৰিৰ বিষ আৰম্ভ হয় ৷

ভৰিৰ বিষ আৰু ভিটামিন ডিৰ অভাৱ-

দুৰ্বলতা আৰু গধুৰতা – ভৰি দুখন অনবৰতে ভাগৰ আৰু দুৰ্বল অনুভৱ হয় যাৰ বাবে খোজকাঢ়িবলৈ মন নাযায়
খোজ কঢ়াত অসুবিধা – দীৰ্ঘ সময় খোজ কাঢ়িলে বা চিৰি বগালে বিষ আৰু অস্বস্তি অনুভৱ হোৱা
পেশীৰ জঠৰতা – ভৰিৰ পেশীবোৰ জঠৰ হৈ পৰে আৰু সামান্য আঘাত হ’লেও অধিক বিষ হয়
হাড়ৰ বিষ – আঁঠু আৰু গোৰোহাত বিষ হোৱাটো ভিটামিন ডিৰ অভাৱৰ এটা সাধাৰণ লক্ষণ

ভিটামিন ডিৰ অভাৱৰ কাৰণ কি ?

ভুল খাদ্যাভ্যাস – গাখীৰ, দৈ, কণী, মাছৰ দৰে খাদ্য গ্ৰহণ নকৰা
বয়স বৃদ্ধি – বয়সৰ লগে লগে শৰীৰৰ শোষণ ক্ষমতা কমি যায়
জীৱনশৈলীৰ কাৰক – ধূমপান, মদ্যপান আৰু ভাৰসাম্যহীন জীৱনশৈলী

ভিটামিন ডিৰ অভাৱ কেনেকৈ দূৰ কৰিব পাৰি?

ৰাতিপুৱাৰ ৰ’দ লওক – প্ৰতিদিনে পুৱা কমেও ১৫-২০ মিনিট সময় ৰ’দৰ তাপ লওঁক
খাদ্য পৰিৱৰ্তন কৰক – খাদ্যত গাখীৰ, পনিৰ, কণী, মাছ আৰু ভেঁকুৰ অন্তৰ্ভুক্ত কৰক
পৰিপূৰক গ্ৰহণ কৰক – চিকিৎসকৰ পৰামৰ্শ অনুসৰি ভিটামিন ডিৰ পৰিপূৰক বা ঔষধ খাব পাৰে
ব্যায়াম – খোজ কঢ়া, যোগাসন আৰু লঘু ব্যায়ামে শৰীৰত ভিটামিনৰ প্ৰভাৱ বৃদ্ধি কৰে