আজিকালি ভাল আৰু গভীৰ টোপনি অহাটো কঠিন হৈ পৰিছে। কোনো কোনোৱে গভীৰ নিশালৈকে সাৰে থাকে, আন কিছুমানৰ টোপনি বাৰে বাৰে বাধাপ্ৰাপ্ত হয়। বেছিভাগ মানুহেই ইয়াক মানসিক চাপ বা ক্লান্তিৰ লগত জড়িত কৰে যদিও বিশেষজ্ঞসকলৰ মতে টোপনিৰ সমস্যাৰ এটা প্ৰধান কাৰণ শৰীৰত ভিটামিনৰ অভাৱো হ’ব পাৰে।

আমাৰ টোপনিৰ চক্ৰ নিয়ন্ত্ৰণত ভিটামিন ডিয়ে গুৰুত্বপূৰ্ণ ভূমিকা পালন কৰে। ইয়াৰ অভাৱত গোটেই দিনটো অৱসাদ আৰু ৰাতি অনিদ্ৰা আদি সমস্যা বৃদ্ধি পায়। বিশেষকৈ সূৰ্যৰ পোহৰ কম পোৱা লোকৰ ক্ষেত্ৰত এই সমস্যা দেখা যায়। দৈনিক কমেও ২০ মিনিট সূৰ্যৰ পোহৰ লোৱা আৰু গাখীৰ, কণীৰ দৰে বস্তু খালে টোপনি ভাল হ’ব পাৰে।

ভিটামিন বি ১২ য়ে মগজু আৰু স্নায়ুতন্ত্ৰ সুস্থ কৰি ৰাখে। ইয়াৰ অভাৱে শৰীৰত থকা মেলাটনিন হৰম’নৰ ভাৰসাম্য বিঘ্নিত কৰে, যিটো টোপনিৰ বাবে প্ৰয়োজনীয়। এই কাৰণেই বি ১২ৰ অভাৱত ভোগা লোকসকলে দেৰিকৈ টোপনি যায় বা ৰাতি বাৰে বাৰে টোপনি ভাঙি যায়। এই অভাৱ দূৰ কৰিবলৈ দৈ, গাখীৰ, কণী, মাছ আৰু সেউজীয়া পাতৰ পাচলি উপকাৰী।

যদিও ই ভিটামিন নহয়, বৰঞ্চ খনিজ, টোপনিৰ লগত ইয়াৰ গভীৰ সম্পৰ্ক আছে। মেগনেছিয়ামে মনক শান্ত কৰি পেশীবোৰ শিথিল কৰে। ইয়াৰ অভাৱে টোপনিৰ মানদণ্ডত প্ৰভাৱ পেলায়। আলমণ্ড, আখৰোট, কল আৰু সেউজীয়া শাক-পাচলি খালে মেগনেছিয়ামৰ অভাৱ দূৰ কৰিব পাৰি।

যদিও ই ভিটামিন নহয়, বৰঞ্চ খনিজ, টোপনিৰ লগত ইয়াৰ গভীৰ সম্পৰ্ক আছে। মেগনেছিয়ামে মনক শান্ত কৰি পেশীবোৰ শিথিল কৰে। ইয়াৰ অভাৱে টোপনিৰ মানদণ্ডত প্ৰভাৱ পেলায়। আলমণ্ড, আখৰোট, কল আৰু সেউজীয়া শাক-পাচলি খালে মেগনেছিয়ামৰ অভাৱ দূৰ কৰিব পাৰি।

শোৱাৰ আগতে মোবাইল আৰু লেপটপৰ ব্যৱহাৰ কম কৰক। কেফেইন আৰু অতি গধুৰ খাদ্য পৰিহাৰ কৰক। শিথিলতাৰ বাবে ধ্যান আৰু গভীৰ উশাহ লোৱাৰ অভ্যাস গঢ়ি তোলক। প্ৰতিদিনে একে সময়তে শোৱা আৰু সাৰ পোৱাৰ অভ্যাস গঢ়ি তোলক।
অৱশ্যে ডাক্তৰৰ পৰামৰ্শ প্ৰয়োজনীয়।