স্বাস্থ্যৰ যতন লোৱাটো খুৱেই উপকাৰী তাৰ সমান্তৰালকৈ ছালৰ যতন লোৱাটোও আৱশ্যক, দিনটোৰ ব্যস্ততাৰ অন্তত অলপ সময় উলিয়াই নিজৰ দেহটোৰ নামত সকলোৱে দিয়ে৷ প্ৰদূষণৰ সৈতে দিনটো মোকাবিলা কৰি থকা আমাৰ ছালখনকো লাগে কিছু পুষ্টিকৰ উপাদান যিটো লাভৰ পিছতে ছালখন আৰু অধিক উজ্জ্বল হৈ উঠে৷ ঘৰুৱা উপকৰণৰ জৰিয়তেও আপুনি আপোনাৰ ছালখন সতেজ কৰি তুলি ৰাখিব পাৰে, ছালখন উজ্জ্বল তথা বিভিন্ন বীজাণুৰ পৰা আতৰাবলৈ নিম হৈছে অত্যন্ত উপকাৰী৷

নিমৰ ফেচপেক- নিম পাত পিহি তাত গোলাপৰ পানী দি এটা সুন্দৰ পেষ্ট আপুনি ঘৰতে প্ৰস্তুত কৰিব পাৰে৷ এই পেষ্ট ১৫ মিনিট সময় মুখত ৰাখি পিছত ধুই পেলাওক, এই পেকে ছালখন গভীৰভাৱে পৰিষ্কাৰ কৰি মুখৰ জিলিকনি বৃদ্ধি কৰে।

নিম আৰু হালধীৰ পেষ্ট- নিম আৰু হালধীৰ পেষ্ট বনাই মুখত ৰাখিলে আপোনাৰ মুখৰ সকলো পিম্পল তৎক্ষণাতে আতৰ হব৷
নিম টোনাৰ: নিম পাত উতলাই ঠাণ্ডা কৰি স্প্ৰে বনাই বটলত ভৰাই থব। দৈনিক ইয়াক টোনাৰ হিচাপে ব্যৱহাৰ কৰিলে ছালখন সতেজ হৈ থাকে আৰু পিম্পলছৰ সমস্যা দূৰ হয়।
নিম আৰু এলোভেৰা- নিম পাতৰ পেষ্ট বনাই তাত এলোভেৰা জেলৰ সংমিশ্ৰন ঘটাওক, ইয়াক মুখত লগালে ছালখন আৰ্দ্ৰ আৰু নিস্তেজ হৈ থাকে৷
নিম আৰু বেচনৰ পেষ্ট- নিমৰ গুড়ি, বেচন আৰু দৈৰ লগত মিহলাই ফেচ পেক প্ৰস্তুত কৰিব পাৰে। এই পেকে টেনিং আঁতৰোৱাত সহায় কৰে, যাৰ ফলত মুখখন প্ৰাকৃতিকভাৱে উজ্জ্বল দেখা যায়।
নিম স্ক্ৰাব: নিমৰ গুড়ি, অটছ আৰু মৌৰ লগত মিহলাই স্ক্ৰাব বনাব পাৰে। মুখত লাহে লাহে ই মৰা ছাল আঁতৰাই মুখখন মসৃণ আৰু পৰিষ্কাৰ কৰি তোলে।