মৰিগাঁৱৰ নভেটিতস্থিত ভাগৱতী ই মটৰচ নামৰ ই ৰিস্কা ডিলাৰটোৰ বিৰুদ্ধে উত্থাপন হৈছে গুণ্ডাগিৰিৰ অভিযোগ। অভিযোগ ডিলাৰটোৰ এগৰাকী গ্ৰাহক চামেদ আলিৰ। চামেদ আলিৰ ঘৰ মৰিগাঁৱৰ মিকিৰগাঁওত। চামেদ আলিয়ে মৰিগাঁৱৰ নভেটিত থকা ভাগৱতী ই মটৰছ নামৰ এই ডিলাৰটোৰ পৰা ক্ৰয় কৰিছিল এখন ই ৰিক্সা । ই ৰিক্সা ক্ৰয়ৰ ১১ মাহৰ ভিতৰতে বিকল হৈ পৰিল ই ৰিক্সা খনৰ বেটাৰী, চাৰ্জাৰ আৰু মটৰ। বিগত তিনিমাহে এই সকলো কথা ডিলাৰটোক জনাই আহিছিল চামেদ আলিয়ে। কিন্তু ডিলাৰটোৱে তিনিমাহে চামেদৰ সমস্যা সমাধান কৰি নিদিলে। উল্লেখ যে ই ৰিক্সা খনেই একমাত্ৰ উপাৰ্জনৰ পথ পৰিয়ালটোৰ। ই ৰিক্সা খন বেয়া হৈ থকাৰ বাবে দৈনিক হাজিৰা কৰি আদায় কৰিছিল EMI ৰ ধন। মৰিগাঁৱৰ সংবাদদাতাই যুগুত কৰা তথ্য অনুসৰি সন্ধিয়া চামেদক হঠাৎ ছাৰ্জাৰ নিবলৈ ডিলাৰলৈ মাতিছিল কৰ্তৃপক্ষই। ডিলাৰত নিৰ্ধাৰিত সময়তকৈ ১০ মিনিট পিছত উপস্থিত হোৱাৰ বাবে গ্ৰাহক চামেদক প্ৰথমে ফোনযোগে ধনম ডিলাৰৰ এগৰাকী কৰ্মীৰ। তাৰ পিছতেই চামেদৰ পিতৃক মাৰপিট কৰে ডিলাৰৰ মেনেজাৰে। কোনোমতে পলাই প্ৰাণ ৰক্ষা কৰে গ্ৰাহক চামেদে। ইয়াৰোপৰি চামেদৰ পিতৃক মিয়া বুলি একাংশই অভব্য আচৰণ কৰাৰো গুৰুতৰ অভিযোগ উত্থাপন হৈছে। পিতৃক আক্ৰমণ কৰাৰ লগে লগেই ১০০ জৰুৰী সেৱাৰ জৰিয়তে আৰক্ষীক খবৰ দিয়ে চামেদে। ইতিমধ্যে মৰিগাঁও আৰক্ষীৰ কাষ চাপিছে পৰিয়ালটো।
ইফালে বৰ্তমানৰ প্ৰাপ্ত খবৰ অনুসৰি ডিলাৰটোৰ কেইবাগৰাকী কৰ্মীয়ে চামেদক মেনেজ কৰাৰ চেষ্টা অব্যাহত ৰাখিছে। কিন্তু চামেদক লাগে উচিত ন্যায়। চামেদৰ পিতৃক কৰা আক্ৰমণ আৰু অপমান কোনো কাৰণতে মানি নলয় পৰিয়ালটোৱে। খবৰ অনুসৰি চামেদৰ ই ৰিক্সা খনৰ তিনিমাহৰ EMI মাফ আৰু ৰিক্সা খন সম্পুৰ্ণ ঠিক কৰি দিয়াৰ টুপ দিছে চামেদক, যাতে তেওঁ আৰক্ষী প্ৰশাসনৰ কাষ নাচাপে।
এতিয়া কথা হল ভাগৱতী ই মটৰচৰ বিৰুদ্ধে কি ব্যৱস্থা গ্ৰহণ কৰিব আৰক্ষীয়ে?
সেয়া সময়ত হব লক্ষ্যনীয়।