উত্তৰ-পূবৰ হস্ততাঁত আৰু হস্তশিল্পক উন্নত মানদণ্ড দিয়াৰ প্ৰয়াস কেন্দ্ৰীয় মন্ত্ৰী জ্যোতিৰাদিত্য সিন্ধিয়াৰ। জ্যোতিৰাদিত্য সিন্ধিয়াই ভাৰতৰ বহনক্ষম ফেশ্বন আন্দোলনৰ নেতৃত্ব দিয়াৰ উত্তৰ-পূবৰ সম্ভাৱনাক উজ্জ্বল কৰি তুলিছে। হস্ততাঁত আৰু হস্তশিল্প খণ্ডৰ ওপৰত গুৰুত্ব আৰোপ কৰি এক উচ্চ পৰ্যায়ৰ বৈঠকৰ আহ্বান কৰা হয়, উত্তৰ-পূব অঞ্চলৰ উন্নয়ন বিভাগৰ কেন্দ্ৰীয় মন্ত্ৰী জ্যোতিৰাদিত্য সিন্ধিয়া,
নাগালেণ্ডৰ মুখ্যমন্ত্ৰী নেইফিউ ৰিঅ’ৰ সভাপতিত্বত অনুষ্ঠিত হোৱা বৈঠকখনত কেন্দ্ৰীয় বস্ত্ৰ মন্ত্ৰী গিৰিৰাজ সিং, মিজোৰামৰ মুখ্যমন্ত্ৰী লালডুহোমা, অসমৰ হস্ততাঁত আৰু বস্ত্ৰ শিল্পৰ মন্ত্ৰী উৰ্খাও গৌৰা ব্ৰহ্ম লগতে
মণিপুৰ চৰকাৰ আৰু ভাৰত চৰকাৰৰ উচ্চপদস্থ বিষয়াসকল উপস্থিত থাকে।

উত্তৰ-পূবৰ মহিলাসকলে হস্ততাঁত আৰু হস্তশিল্পৰ মাজেদিয়ে ৰচিব পাৰিব সপোন আৰু সেই সপোন পূৰণৰ অৰ্থত সহায় কৰিব কেন্দ্ৰীয় চৰকাৰে। প্ৰধানমন্ত্ৰী নৰেন্দ্ৰ মোডীৰ “পৰিৱেশ আৰু সৱলীকৰণৰ বাবে ফেশ্বন”ৰ দৃষ্টিভংগীৰ সৈতে মিল ৰাখি ভাৰতৰ বহনক্ষম ফেশ্বন বিপ্লৱৰ চালিকা শক্তি হ’বলৈ উত্তৰ-পূবৰ অতুলনীয় সম্ভাৱনাক গুৰুত্ব আৰোপ কৰা হয়। পৰিৱেশ সচেতন পদ্ধতি, শিপিনী ঐতিহ্য, আৰু বিশ্বমানৰ কাৰুকাৰ্য্যৰ সৈতে উত্তৰ-পূবে বিশ্বব্যাপী সেউজ, অন্তৰ্ভুক্ত ফেশ্বনলৈ পৰিৱৰ্তনৰ নেতৃত্ব দিবলৈ অনন্যভাৱে স্থান লাভ কৰিবলৈ সক্ষম হৈছে। হস্ততাঁত আৰু হস্তশিল্পৰ জৰিয়তে অকল জীৱিকাই নহয়
উদ্ভাৱনক লালন-পালন কৰাৰ লগতে ভাৰতৰ সাংস্কৃতিক উত্তৰাধিকাৰক বিশ্ব মঞ্চত স্থান দিব লাগিব বুলিও উল্লেখ কৰে কেন্দ্ৰীয় মন্ত্ৰী জ্যোতিৰাদিত্য সিন্ধিয়াই। উত্তৰ-পূবৰ একাংশ পুৰুষ-মহিলাই এই হস্ততাঁত আৰু হস্তশিল্পৰ জৰিয়তে নিজকে স্বাৱলম্বী হিচাপে গঢ়ি তুলিছে, বিশেষকৈ অসমৰ বড়োলেণ্ডৰ বসবাস কৰা একাংশ পুৰুষ-মহিলাৰ এয়াই হৈছে একমাত্ৰ চালিকা শক্তি। কাপোৰত নিজৰ সপোনৰ বুটা বাছি আগুৱাই যোৱা একাংশ মহিলাৰ বাবে এতিয়া ভাৰতৰ বহনক্ষম ফেশ্বন বিপ্লৱ এক নতুন বাট মুকলি কৰিছে। উক্ত বৈঠকখনত বজাৰত প্ৰৱেশৰ উন্নতি, প্ৰযুক্তিৰ ব্যৱহাৰ, সামৰ্থ্য বিকাশ, আৰু বহনক্ষম জীৱিকা সৃষ্টিৰ দৰে লক্ষ্য নিৰ্ধাৰণ কৰা হস্তক্ষেপৰ জৰিয়তে হস্তশিল্প আৰু হস্ততাঁত পৰিৱেশ তন্ত্ৰক পুনৰুজ্জীৱিত কৰাৰ ওপৰত গুৰুত্ব আৰোপ কৰা হয়।

অকল হাতেৰে নহয় এতিয়াৰে পৰা কিদৰে উন্নত আন্তঃগাঁথনি, ডিজিটেল আৰু ডিজাইন সংহতি, আৰু দক্ষতা বিকাশৰ জৰিয়তে খণ্ডটোক আধুনিকীকৰণ কৰিব পাৰি তাৰ প্ৰতিও গুৰুত্ব আৰোপ কৰি এক কৌশলগত পৰিকল্পনা উপস্থাপন কৰি জ্যোতিৰাদিত্য সিন্ধিয়াই। মূল কাৰ্যসূহৰ ভিতৰত আছে শিল্পীৰ ক্লাষ্টাৰ গঠন কৰা, সাধাৰণ সুবিধা কেন্দ্ৰ স্থাপন কৰা, আৰু ৰাষ্ট্ৰীয় প্ৰচাৰৰ বাবে সমগ্ৰ অঞ্চলটোত ২–৩টা ফ্লেগশ্বিপ সামগ্ৰী নিৰ্বাচন কৰা। এই পদ্ধতিয়ে আত্মসহায়ক গোটসমূহক বিশ্বব্যাপী মানদণ্ডৰ সৈতে একাকাৰ কৰি, তলৰ পৰা ওপৰলৈ মূল্য শৃংখল বিকশিত কৰি আৰু স্থানীয় শিল্পকলাক ৰাষ্ট্ৰীয় আৰু আন্তঃৰাষ্ট্ৰীয় দুয়োটা পৰ্যায়তে লাভৱান হ’বলৈ সক্ষম কৰি বজাৰৰ প্ৰস্তুতিৰ ওপৰত গুৰুত্ব আৰোপ কৰে।