ভাৰতৰ প্ৰাক্তন স্পিনাৰ দিলীপ দোশীৰ ২৩ জুন সোমবাৰে ৭৭ বছৰ বয়সত মৃত্যু হয়।সোমবাৰে লণ্ডনত দোষীৰ মৃত্যু হয়। ভাৰতৰ হৈ দোষীয়ে ৩৩খন টেষ্ট আৰু ১৫খন এদিনীয়া খেলিছিল। বাওঁহাতৰ প্ৰাক্তন স্পিনাৰগৰাকীয়ে ইহসংসাৰত এজন পুত্ৰ আৰু এগৰাকী কন্যাক এৰি থৈ যায়। আন্তঃৰাষ্ট্ৰীয় ক্ৰিকেটত পলমকৈ ওলাই অহা দোষীয়ে ১৯৭৯ চনৰ পৰা ১৯৮৩ চনলৈ ভাৰতৰ হৈ খেলিছিল।৩২ বছৰ বয়সত অভিষেক ঘটা দোষীয়ে অতি কম সময়ৰ ভিতৰতে বিখ্যাত হয়।

দোশীয়ে ৩৩খন টেষ্ট মেচত ১১৪টা উইকেট দখল কৰে। ছয়বাৰকৈ ৫টা উইকেট দখল কৰাৰ কৃতিত্ব তেওঁৰ আছিল। ১৫খন এদিনীয়াত তেওঁ ২২টা উইকেট দখল কৰে। ১৯৬৮-৬৯ ছিজনত ঘৰুৱা চাৰ্কিটত অভিষেক ঘটা দোষীয়ে ১৯৮৬ চনত অৱসৰ লোৱালৈকে ২৩৮ খন প্ৰথম শ্ৰেণীৰ মেচ খেলিছিল।ভাৰত ক্ৰিকেট নিয়ন্ত্ৰণ ব’ৰ্ডে দিলীপ দোষীৰ মৃত্যু নিশ্চিত কৰিছে। বংগ আৰু সৌৰাষ্ট্ৰৰ উপৰিও দোষীয়ে ইংলেণ্ডৰ কাউন্টি দল নটিংহামশ্বাৰ আৰু ৱাৰউইকশ্বাৰৰ হৈও প্ৰথম শ্ৰেণীৰ ক্ৰিকেটত খেলিছিল। প্ৰথম শ্ৰেণীৰ কেৰিয়াৰত তেওঁ ৮৯৮টা উইকেট দখল কৰে। ইয়াৰ ভিতৰত আছে ৪৩টা পাঁচ উইকেটৰ হ’ল।

অভিষেক মেচত দোশীয়ে ৮টা উইকেট দখল কৰে-

ভাৰতৰ শক্তিশালী স্পিন এটেকৰ বাবে দোষীয়ে ৩২ বছৰ বয়সলৈকে অপেক্ষা কৰিবলগীয়া হৈছিল।১৯৭৯ চনৰ ছেপ্টেম্বৰ মাহত চেন্নাইত অষ্ট্ৰেলিয়াৰ বিৰুদ্ধে প্ৰথমখন টেষ্ট খেলিছিল।এই মেচখনত তেওঁ প্ৰথম ইনিংছত ৬/১০৩ উইকেট দখল কৰিছিল। এই মেচখন ড্ৰ’ আছিল আৰু দ্বিতীয় ইনিংছতো তেওঁ ২টা উইকেট দখল কৰিছিল। ইয়াৰ পিছত তেওঁ দলৰ নিয়মীয়া সদস্য হৈয়েই থাকিল। ইয়াৰ উপৰিও তেওঁ নিউজিলেণ্ড, অষ্ট্ৰেলিয়া, ইংলেণ্ড আৰু পাকিস্তান ভ্ৰমণ কৰিছিল। ৩০ বছৰ বয়সৰ পিছত টেষ্টত অভিষেক ঘটোৱাৰ পাছত ১০০টাতকৈ অধিক টেষ্ট উইকেট দখল কৰা দোষী মাত্ৰ দ্বিতীয়জন বলাৰ।তেওঁৰ বাহিৰেও অষ্ট্ৰেলিয়াৰ ক্লেয়াৰ গ্ৰিমেটে এই কাম কৰিছিল।

আটাইতকৈ স্মৰণীয় জয় আছিল মেলবৰ্ণত

দোশীৰ কেৰিয়াৰৰ আলোকপাত আছিল ১৯৮১ চনত মেলবৰ্ণত ভাৰতক বিখ্যাত জয় লাভ কৰাত সহায় কৰা।তেওঁ ইয়াক তেওঁৰ কেৰিয়াৰৰ সৰ্বশ্ৰেষ্ঠ মুহূৰ্ত বুলি অভিহিত কৰে। ২০১১ চনত দ্য ইণ্ডিয়ান এক্সপ্ৰেছৰ সৈতে হোৱা এক সাক্ষাৎকাৰত তেওঁ কয় যে, “মই ক’ম যে কাৰ্ছান ঘৱৰী আৰু মই ভেটি স্থাপন কৰিলোঁ। কপিলে আমাক ইয়াক শেষ কৰাত সহায় কৰিলে। গতিকে মই তেওঁক বহুত ক্ৰেডিট দিব লাগিব। মই ভাবো যে এইটো মোৰ আটাইতকৈ ডাঙৰ ক্ৰিকেট মুহূৰ্ত।”

মেলবৰ্ণত কি হ’ল?

১৯৮১ চনত ভাৰতীয় দলটোৱে অষ্ট্ৰেলিয়াত ৩ খন টেষ্ট মেচ খেলিছিল। ছিডনীত প্ৰথমখন টেষ্টত পৰাস্ত হয় টিম ইণ্ডিয়া। ইয়াৰ পিছত এডিলেইডত অনুষ্ঠিত দ্বিতীয়খন মেচ ড্ৰ’ হয় আৰু মেলবৰ্ণত অনুষ্ঠিত তৃতীয়খন টেষ্টত টিম ইণ্ডিয়াই জয়লাভ কৰে। এইদৰে শৃংখলাটো ১-১ গ’লত সমতা স্থাপন কৰে। ভাৰতৰ অধিনায়ক আছিল সুনীল গাভাস্কাৰ আৰু অষ্ট্ৰেলিয়াৰ অধিনায়ক আছিল গ্ৰেগ চেপেল। মেলবৰ্ণত অষ্ট্ৰেলিয়াই টছত জয়লাভ কৰি প্ৰথমে বলিং কৰাৰ সিদ্ধান্ত লয়। গুণ্ডপ্পা বিশ্বনাথৰ শতক (১১৪ ৰান)ৰ বাবে ভাৰতে প্ৰথম ইনিংছত ২৩৭ ৰান সংগ্ৰহ কৰে। এলান বৰ্ডাৰৰ ১২৪ আৰু চেপেলৰ ৭৬ ৰানৰ বাবেই কেংগাৰু দলটোৱে প্ৰথম ইনিংছত ৪১৯ ৰান সংগ্ৰহ কৰাত সফল হয়। ১৮২ ৰানৰ অগ্ৰগতি লাভ কৰে। প্ৰথম ইনিংছত দিলীপ দোষীয়ে ৩টা উইকেট দখল কৰে। তেওঁ ডাগ ৱালটাৰ্ছ, ৰডনি মাৰ্ছ আৰু ব্ৰুচ য়াৰ্ডলীক বৰ্খাস্ত কৰে।