শেহতীয়াকৈ জানিব পৰা গৈছে যে বজাৰত অধিক ধন উপাৰ্জনৰ স্বাৰ্থত কফিত বিষাক্ত আৰু ক্ষতিকাৰক পদাৰ্থ মিহলাই বিক্ৰী কৰা হৈছে।

কফি হৈছে বিশ্বৰ ভিতৰতে আটাইতকৈ বেছি খোৱা পানীয়৷ ইয়াৰ সুগন্ধি আৰু শক্তি প্ৰদানকাৰী শক্তিৰ বাবে মানুহে ইয়াক সেৱন কৰি ভাল পায়৷ বেছিভাগ মানুহেই দিনটো আৰম্ভ কৰে একাপ কফি খায়৷ বহুতে বিশ্বাস কৰে যে কফি খালে অধিক শক্তি পোৱা যায় আৰু শৰীৰে শিথিলতা অনুভৱ কৰে ৷ কিন্তু খাদ্য সামগ্ৰীৰ মিশ্ৰণ আৰু ভুৱা বস্তু বিক্ৰী কৰাটো আমাৰ দেশত অতি সাধাৰণ হৈ পৰিছে ৷ এনে পৰিস্থিতিত আপুনি ৰাতিপুৱাৰ পৰা মাজনিশালৈকে খোৱা কফিৰ লগতো মিশ্ৰণ ঘটিছে ৷

শেহতীয়াকৈ কিছুমান বাতৰি ওলাইছে, য’ত কোৱা হৈছে যে বজাৰত অধিক ধন উপাৰ্জনৰ স্বাৰ্থত কফিত বিষাক্ত আৰু ক্ষতিকাৰক পদাৰ্থ মিহলাই বিক্ৰী কৰা হৈছে। এই কফিৰ ৰূপ আৰু গোন্ধ প্ৰকৃত কফিৰ দৰে, কিন্তু ইয়াত সস্তীয়া আৰু ক্ষতিকাৰক ৰাসায়নিক পদাৰ্থ মিহলি হৈ থাকে যিয়ে আমাৰ স্বাস্থ্যৰ বাবে বিপজ্জনক হ’ব পাৰে। এনে পৰিস্থিতিত বজাৰত উপলব্ধ মিশ্ৰিত কফি কেনেকৈ চিনাক্ত কৰিব পাৰি জানি লওঁক ৷

মিশ্ৰিত কফি কেনেকৈ চিনাক্ত কৰিব পাৰি

কফিৰ ৰূপ আৰু গোন্ধ প্ৰকৃত কফিৰ সৈতে একে। সেয়ে ইয়াক চিনাক্ত কৰাটো কঠিন হৈ পৰে ৷ কিন্তু এতিয়া ঘৰতে সহজ পদ্ধতি অৱলম্বন কৰি সেই কফি আচল নে নকল তাক চিনাক্ত কৰিব পাৰিব । ইয়াৰ বাবে প্ৰথমে এগিলাচত পানী ভৰাই তাৰ পিছত তাত এচামুচ কফি পাউদাৰ দিব, কিন্তু লৰচৰ নকৰিব আৰু ৫ মিনিট অপেক্ষা কৰিব ৷ যদি কফিৰ গুড়িটো ওপৰত ভাঁহি থাকে, তেন্তে কফিটো বাস্তৱিক। আনহাতে, যদি গুড়ি থিতাপি লয় বা ৰং এৰিবলৈ আৰম্ভ কৰে , তেন্তে জানিব ইয়াত ক্ষতিকাৰক পদাৰ্থ মিহলি কৰা হৈছে। এনে পৰিস্থিতিত সদায় বিশ্বাসযোগ্য ব্ৰেণ্ডৰ পৰা কফি কিনাটো জৰুৰী, লগতে পেকিং আৰু মেয়াদ উকলি যোৱাৰ তাৰিখ পৰীক্ষা কৰা আৰু যদি এতিয়াও সন্দেহ থাকে তেন্তে ঘৰতে পৰীক্ষা কৰক।

মিশ্ৰিত কফি খোৱাৰ ক্ষতিকাৰক প্ৰভাৱ

মিশ্ৰিত কফিৰ পৰিমাণ বৃদ্ধি কৰিবলৈ আৰু অধিক ধন উপাৰ্জন কৰিবলৈ সস্তীয়া আৰু ভুল বস্তু যোগ কৰা হয়। যেনে মিহিকৈ পিহি লোৱা মাটি বা ইটাৰ গুড়ি, অমিতা বা খেজুৰৰ গুটি, পূৰ্বতে ব্যৱহাৰ কৰা কফি, কৰ্ণ ষ্টাৰচ, বা জ্বলা চেনিৰ গুড়ি। এনে ভুৱা কফিত কোনো ধৰণৰ পুষ্টি নাথাকে আৰু দৈনিক পান কৰিলে স্বাস্থ্যৰ বহু সমস্যাৰ সৃষ্টি হ ’ ব পাৰে ৷ যেনে- পেটত গেছ বা এচিডিটি, ডায়েৰিয়া আৰু পেটৰ ৰোগ বিয়পিব পাৰে, যকৃত আৰু বৃক্কত বিৰূপ প্ৰভাৱ পৰিব পাৰে।

নকল কফিৰ ফলত হজম শক্তিৰ সমস্যা হ’ব পাৰে, হাড় দুৰ্বল কৰি গাঁঠিৰ বিষ হ’ব পাৰে, হাওঁফাওঁত বিষ আৰু উশাহ-নিশাহৰ সমস্যাও হ’ব পাৰে, আৰু প্ৰতিদিনে নকল কফি খালে শৰীৰে আইৰণ, কেলচিয়াম আৰু জিংকৰ দৰে প্ৰয়োজনীয় খনিজ পদাৰ্থ শোষণ কৰিব নোৱাৰে, যাৰ ফলত ৰক্তহীনতা আৰু ৰোগ প্ৰতিৰোধ ক্ষমতা হ্ৰাস পাব পাৰে ৷