বৃক্ক হৈছে শৰীৰৰ আটাইতকৈ গুৰুত্বপূৰ্ণ অংগ। বৃক্কে তেজ ফিল্টাৰ কৰাৰ কাম কৰে। আজিকালি অস্বাস্থ্যকৰ জীৱনশৈলী আৰু ভুল খাদ্যাভ্যাসৰ বাবে অধিকাংশ লোকেই বৃক্কৰ সমস্যাত ভুগিছে। বৃক্কত কোনো ধৰণৰ ক্ষতি হোৱাৰ আগতে শৰীৰত লক্ষণ দেখা দিয়ে। বেছিভাগ লক্ষণ ৰাতি দেখা যায়।

ক্লান্তি আৰু দুৰ্বলতা:

বৃক্ক বিকল হোৱাৰ বাবে ৰাতি শৰীৰত ভাগৰুৱা আৰু দুৰ্বল অনুভৱ হয়। বৃক্কত কোনো সমস্যা হ’লে শৰীৰত বিষাক্ত পদাৰ্থ জমা হ’বলৈ আৰম্ভ কৰে, যাৰ বাবে শৰীৰত ক্লান্তি আৰু দুৰ্বলতা অনুভৱ হয়।

সঘনাই প্ৰস্ৰাৱ কৰা:

ৰাতি সঘনাই প্ৰস্ৰাৱ কৰাটো বৃক্ক সম্পৰ্কীয় সমস্যাৰ লক্ষণ হ’ব পাৰে। যেতিয়া বৃক্কে সঠিকভাৱে কাম নকৰে তেতিয়া শৰীৰত বিষাক্ত পদাৰ্থ জমা হ’বলৈ আৰম্ভ কৰে। যাৰ বাবে সঘনাই প্ৰস্ৰাৱ কৰাৰ সমস্যা হয়। ৰাতি সঘনাই প্ৰস্ৰাৱ কৰাৰ লক্ষণক আওকাণ নকৰিব।

ভৰি দুখন ফুলা:

বৃক্কৰ সমস্যা হ’লে ভৰি দুখন ফুলিবলৈ আৰম্ভ কৰে। ভৰি ফুলাৰ উপৰিও ভৰিৰ গোৰোহাতো বহুত বিষ হয়। এই ফুলা আৰু বিষ ৰাতি যথেষ্ট বৃদ্ধি পায়।

টোপনিৰ অভাৱ:

ৰাতি টোপনিত ব্যাঘাত জন্মালেও বৃক্কৰ ক্ষতিৰ লক্ষণ হ’ব পাৰে। বৃক্ক বিকল হোৱাৰ বাবে শৰীৰত বিষাক্ত পদাৰ্থ জমা হয় যিয়ে মগজুত প্ৰভাৱ পেলায়। এনে অৱস্থাত টোপনিৰ ব্যাঘাতৰ সমস্যা হ’ব পাৰে।

উশাহ-নিশাহ লোৱাত অসুবিধা:

বৃক্কৰ সমস্যা হ’লে হাওঁফাওঁত অতিৰিক্ত তৰল পদাৰ্থ জমা হ’ব পাৰে, যাৰ ফলত উশাহ-নিশাহ লোৱাত বহুত কষ্ট হ’ব পাৰে।

অস্বীকাৰ: এই খবৰ কেৱল দৰ্শকক সজাগ কৰিবলৈহে লিখা হৈছে। আপোনাৰ শৰীৰত কোনো সমস্যাই দেখা দিলে চিকিৎসকৰ পৰামৰ্শ গ্ৰহণ কৰক।