WHO ৰ বিজ্ঞানীসকলে ওজন হ্ৰাসৰ বাবে GLP-1 RAs ঔষধক সমৰ্থন কৰিছে। এই ঔষধে মেদবহুলতা অতি সহজে নিয়ন্ত্ৰণ কৰে বুলিও বিশ্বাস কৰা হয়।
বিশ্ব স্বাস্থ্য সংস্থাৰ বিজ্ঞানীসকলে মেদবহুলতা নিয়ন্ত্ৰণৰ বাবে জিএলপি-১ ৰিচেপ্টৰ এগ’নিষ্ট নামৰ নতুন শ্ৰেণীৰ ঔষধৰ অনুমোদন জনাইছে। যিয়ে ভোক আৰু তেজৰ চেনিৰ মাত্ৰা নিয়ন্ত্ৰণ কৰা হৰম’নৰ অনুকৰণ কৰে।
স্বাস্থ্যসন্মত খাদ্যাভ্যাস আৰু ব্যায়ামৰ দ্বাৰা ওজন কমোৱাৰ আটাইতকৈ পৰামৰ্শ দিয়া হয়। কিন্তু আমাৰ বহুতেই এইবোৰ বাৰে বাৰে চেষ্টা কৰিছো, কোনো স্থায়ী সফলতা নোহোৱাকৈ আমি জানো যে সেই অতিৰিক্ত পাউণ্ডবোৰ কমোৱাটো আমাৰ শাৰীৰিক আৰু মানসিক স্বাস্থ্য দুয়োটাৰে বাবে গুৰুত্বপূৰ্ণ।
মেদবহুলতাৰ সৈতে মোকাবিলা কৰাত ঔষধে সহায় কৰিব পাৰে। কিন্তু সেইবোৰ কোনো যাদুকৰী বড়ি নহয়। কিছুমান মানুহে এইবোৰ স্বাস্থ্যসন্মত খাদ্য আৰু ব্যায়ামৰ লগতে সহায়ক বুলি বিবেচনা কৰে এইটোও মনত ৰখাটো গুৰুত্বপূৰ্ণ যে কোনো এটা ঔষধেই সকলোৰে বাবে কাম নকৰে। আন স্বাস্থ্যজনিত অৱস্থা নিয়ন্ত্ৰণ কৰা বহু ঔষধৰ ক্ষেত্ৰত এই কথা সত্য।
দীৰ্ঘদিনীয়া ওজন হ্ৰাসৰ বাবে কিছুমান প্ৰেছক্ৰিপচন ঔষধৰ অনুমোদন জনাইছে খাদ্য আৰু ঔষধ প্ৰশাসনে। মেদবহুল লোকৰ বাবে এই ঔষধৰ পৰামৰ্শ দিয়া হয় যিসকল লোকৰ ওজন বেছি আৰু ইয়াৰ লগত জড়িত স্বাস্থ্যজনিত অৱস্থা যেনে উচ্চ ৰক্তচাপ বা ডায়েবেটিছও এই ঔষধ খাবলৈ দিয়া হ’ব পাৰে। আন বহুতোক মাত্ৰ কেইমাহমানৰ বাবেহে হ্ৰস্বম্যাদী ব্যৱহাৰৰ বাবে অনুমোদন দিয়া হৈছে।
ছেমাগ্লুটাইড নামেৰেও জনাজাত ভেগোভিক ২০২১ চনত এফ ডি এৰ অনুমোদন লাভ কৰিছিল। দীৰ্ঘদিনীয়া ওজন নিয়ন্ত্ৰণৰ বাবে ব্যৱহাৰ কৰা সাপ্তাহিক বেজী। ইয়াক অজেম্পিকৰ সৈতে একেটা কোম্পানীয়ে নিৰ্মাণ কৰে আৰু ইয়াত একেটা সক্ৰিয় উপাদান ছেমাগ্লুটাইড থাকে। কিন্তু ভেগোভি ওজন হ্ৰাসৰ বাবে সৃষ্টি কৰা হৈছিল আনহাতে অজেম্পিক টাইপ ২ ডায়েবেটিছ ৰোগীৰ বাবে।
২০২৩ চনত এফ ডি এয়ে অনুমোদন জনোৱা আন এক ওজন হ্ৰাসৰ ঔষধ জেপবাউণ্ড। জেপবাউণ্ডৰ সক্ৰিয় উপাদান টিৰাজেপেট ইতিমধ্যে টাইপ ২ ডায়েবেটিছ ৰোগীৰ বাবে মঞ্জাৰো নামেৰে অনুমোদিত হৈছে।
Olistat (Xenical বুলিও জনা যায়) হ্ৰস্বম্যাদী ব্যৱহাৰৰ বাবে। অধ্যয়নত ই মানুহক মৃদু ওজন হ্ৰাস কৰাত সহায় কৰিছে। ‘অলিষ্টেট’ক এফ ডি এৰ দ্বাৰা অনুমোদিত কম মাত্ৰাৰ, অভাৰ-দ্য-কাউণ্টাৰ বিকল্প হিচাপেও কনট্ৰাভ বুলি জনা যায়।