ডিজিটেল ডেস্কঃ কেন্দ্ৰীয় চৰকাৰৰ কৰ্মচাৰী সকলৰ বাবে আহি আছে ধাৰাবাহিক ভাৱে ইটোৰ পিছত সিটো ভাল খবৰ। চলিত বৰ্ষৰ আগষ্টমাহত  তেওঁলোকৰ ডি এ বৃদ্ধি পোৱাৰ আগেয়েই আহিব আন এক ভাল খবৰ। ১জুলাই,২০২২ত কেন্দ্ৰীয় চৰকাৰৰ ৮হাজাৰ কৰ্মচাৰীক দিয়া হব পদোন্নতি।  এই সন্দৰ্ভত ইতিমধ্যে কেন্দ্ৰীয় চৰকাৰে এক সূচী প্ৰস্তুত কৰিছে।

কেন্দ্ৰীয় মন্ত্ৰী জিতেন্দ্ৰ সিঙে এই সন্দৰ্ভত ঘোষণাত কৰিছে। কেন্দ্ৰীয় মন্ত্ৰীগৰাকীয়ে সদৰি কৰে যে, এই কৰ্মচাৰীসকলৰ পদোন্নতিৰ পূৰ্বে ১বছৰৰ পৰা ১৮মাহৰ এক প্ৰশিক্ষণৰ প্ৰয়োজন হব। তাৰ পিছতহে পৰ্যায়ক্ৰমে পদোন্নতি দিয়া হব এই ৮হাজাৰ কৰ্মচাৰীক। ইফালে আগষ্ট মাহত ৪শতাংশ বৃদ্ধি পাব কেন্দ্ৰীয় কৰ্মচাৰীৰ ডি এ।