ডিজিটেল ডেস্কঃ পেট্ৰল-ডিজেলৰ আকাশচুম্বী দামে বিপাঙত পেলাইছে দেশৰ জনতাক। পেট্ৰলে প্ৰতি লিটাৰত ১০০ টকা অতিক্ৰম কৰাৰ পিছতেই সমগ্ৰ দেশৰ জনতাই অসন্তুষ্ট হৈ পৰে। শেহতীয়াভাৱে দেৱালীৰ এদিন পূৰ্বে পেট্ৰ’ল প্ৰতিলিটাৰত ৫ টকা আৰু ডিজেলত ১০ টকা হ্ৰাস কৰে। কেন্দ্ৰই এই দাম হ্ৰাস কৰাৰ পিছতেই ৰাজ্য চৰকাৰসমূহেও ৭ টকাকৈ ভেট হ্ৰাস কৰে পেট্ৰল ডিজেলত।

দেশত ক’ত কিমান পেট্ৰল-ডিজেলৰ দাম?

চৰকাৰী তেল কোম্পানীসমূহে ১৪ নৱেম্বৰত পেট্ৰ’ল–ডিজেলৰ দামৰ এখন তালিকা প্ৰকাশ কৰিছে। দেৱালীৰ পিছৰে পৰা বিগত কিছুদিন ধৰি সাধাৰণ জনতাই পেট্ৰ’ল–ডিজেলৰ দামবৃদ্ধিৰ পৰা সামান্য সকাহ লাভ কৰিছে। কেইবাখনো চহৰত পেট্র’লৰ দাম প্ৰতিলিটাৰত ১০০ টকাতকৈ ক’ম। গুৱাহাটীত দেওবাৰে পেট্ৰ’ল ৯৪.৭৫ টকা আৰু ডিজেলত ৮১.৪২ টকা।

উল্লেখ্য যে, দেশৰ ৰাজধানী দিল্লীত দেওবাৰে পেট্ৰ’ল প্ৰতিলিটাৰ ১০৩.৯৭ টকা আৰু ডিজেল ৮৬.৬৭ টকা, মুম্বাইত পেট্ৰ’ল প্ৰতিলিটাৰত ১০৯.৯৮ টকা আৰু ডিজেল ৯৪.১৪ টকা, চেন্নাইত পেট্ৰ’ল ১০১.৪০ টকা আৰু ডিজেল ৯১.৪৩ টকা, কলকাতাত পেট্ৰ’ল ১০৪ টকা আৰু ডিজেল ৮৯.৭৯ টকা।