সংসদৰ পৱিত্ৰ মজিয়াত জনপ্রতিনিধিসকলে ভাষণ দিয়াৰ সময়ত প্রায়ে অশোভনীয় আচৰণ কৰা পৰিলক্ষিত হয়। অল্পজ্ঞানী, অধ্যয়ন আৰু গৱেষণা নথকা এনে প্রায়ভাগ জনপ্রতিনিধিয়ে ভাষণৰ সময়ত অমার্জিত আচৰণেৰে আনৰ ওচৰত হেয় হ’বলগীয়া হয়। কিন্তু ৰাজ্যসভালৈ প্ৰথমবাৰলৈ নির্বাচিত হৈ প্রখ্যাত লেখিকা সুধা মূর্তিয়ে দিয়া ভাষণক লৈ এতিয়া নেট দুনিয়াত সৃষ্টি হৈছে ব্যাপক খলকনিৰ। সামাজিক মাধ্যমত সুধা মূৰ্তিৰ ভাষণক নেটিজেনসকলে ভূয়সী প্রশংসা কৰিছে। আনকি নেটিজেনসকলে একমূখে স্বীকাৰ কৰিছে যে সংসদৰ মজিয়াত সুধা মূৰ্তিৰ দৰে জনপ্রতিনিধিৰহে আৱশ্যক। তদুপৰি সংসদত কিদৰে ভাষণ দিব লাগে সেয়া সুধা মূৰ্তিৰ পৰা আজিৰ জনপ্রতিনিধিসকলে শিকা উচিত বুলিও সামাজিক মাধ্যমত বিভিন্নজনে মন্তব্য কৰিছে। প্ৰথমটো ভাষণতে সুধা মূৰ্তিয়ে মহিলাৰ ছার্ভিকেল কৰ্কটৰ চিকিৎসাৰ বাবে প্ৰতিষেধকৰ উদ্ভাৱন আৰু পৰ্যটনক হিতৰ বাবে লৈ দুটা বিষয় উত্থাপন কৰিছিল। দেশৰ সুধা মূর্তিয়ে ভষির্ণত উল্লেখ কৰা এনে বক্তব্যই বিভিন্নজনক আকৃষ্ট কৰিছে।