ধেমালিৰ চলেৰে কম সঁচা কথা
বিষয়:ৰাঘৱ চাম নে এক কেজি গাহৰি খাম।
ৰাঘৱ বৰ্জন কৰিব লাগে জাতীয়তাবাদী সকলে,social mediaত বহুতে লিখি আছে।
ৰাঘৱ চালে মই অসমীয়া হৈ নাথাকিম নেকি?
মই মোৰ পৰিয়াল লৈয়ে চালো, যিদৰে আগৰ অসমীয়া ছবি সমূহ চাইছিলো,আৰু আনকো চাবলৈ আহ্বান জনাম। যোৱা সপ্তাহত এখন বেংগলী ছবি ৰক্তবীজ অসমীয়াত dubbing কৰি releas কৰিলে, তেতিয়া কোনেও প্ৰতিবাদ নকৰিলে।
মোৰ ৰাজনৈতিক চিন্তাধাৰা বা আদৰ্শ বেলেগ হব পাৰে কিন্তু অসমীয়া হিচাপে অসমীয়া সকলো চিনেমাৰ প্ৰতি সদায় সমৰ্থন আছে।
চিনেমা চাই ভাল বেয়া গঠনমূলক সমালোচনা হব লাগে।প্ৰতিবাদ হব নালাগে।আমি বাৰু কেনেবাকৈ দুজন অভিনেতাৰ মাজত শত্ৰুতাৰ বীজ সিঁচি আছো নেকি? ৰাঘৱ চিনেমাখনৰ সকলো কলা কৌশলী অসমীয়া।ৰাঘৱ বৰ্জন কৰি আমি তেওঁলোককো বৰ্জন কৰিলো নেকি?
আহিব লগীয়া অসমীয়া চিনেমাৰ বাবে ভাল লক্ষণ নহয় এইয়া।
তথাপিও কওঁ নাটক চিনেমাৰ বাহিৰে আমি বহুতেই বেলেগ একো কাম নকৰো, গতিকে আমাৰ সৃষ্টিক বেয়া পালে গঠনমূলক সমালোচনা কৰক সেইয়া অসমীয়া ৰাইজৰ অধিকাৰ আছে।
কিন্তু আমাৰ মাজত শত্ৰুতাৰ বীজ সিঁচি নিদিব।
আজি যতীন বৰা,মৃদুলা বৰুৱা,নিশ্চিতা গোস্বামী,হিৰণ্য ডেকা,প্ৰদীপ দৈমাৰী,অমৃত প্ৰীতম এওঁলোকে ৰাঘৱ চিনেমাখনত কাম কৰাৰ বাবে তেওঁলোকৰ মূল্য হৈছে এক কেজি গাহৰি মাংস।
তাতকৈ আৰু দুখৰ কথা কি হব পাৰে।
এখন digital war আৰম্ভ হৈছে। এই যুদ্ধ সমাপ্ত হওক।সকলোৱে অসমীয়া চিনেমাৰ উন্নতিৰ বাবে যুদ্ধ কৰো।
সদায় কোৱাৰ দৰে আজিও কম
জয় অসমীয়া চিনেমাৰ জয়।।।
ৰাজেশ ভূঞা