বৰ্তমানে আমুৱাইছে বলিউদক, যেন অত্যাধিক হলিউদ বোলছবিৰ নকল, অযথা যৌন উত্তেজক দৃশ্য আৰু কোনো ইতিবাচক
বাৰ্তা নোহোৱা বোলছবিৰে দৰ্শকক বিৰক্তি দি দি ভাগৰি পৰিছে বলিউদ৷ সেইবাবেই যেন বলিউদে আৰম্ভ কৰিছে উভতনি যাত্ৰা৷ মনত কৰক ৯০ দশকৰ বলিউদ বোলছবিসমূহৰ সেই স্বৰ্ণিল সময়৷ যত প্ৰতিখন বোলছবিয়েই আছিল পৰিয়ালৰ সকলোৰে সৈতে একেলগে উপভোগ্য৷ পিছে সময়ৰ লগে লগে অতিমাত্ৰা পাশ্চাত্যকেন্দ্ৰিক হোৱা বাবেই বলিউদে হেৰুৱাব লগাত পৰিছিল নিজস্ব স্বকীয়তা৷ কিন্তু হঠাতেই বলিউদলৈ উভতি আহিছে যেন ৯০ দশকৰ সেই সোণালী দিন৷ দৰাচলতে বিভিন্ন খবৰ কাকতৰ পেজ 3 ত প্ৰকাশ পোৱা খবৰ অনুসৰি, পুনৰ একেলগে স্ক্ৰীণ শ্বেয়াৰ কৰিবলৈ সাজু আমিৰ খান আৰু জুহি চাওলা। নক’লেও হ’ব ৯০ দশকত জুহি চাওলা আৰু আমিৰ খানৰ যুটি আছিল অতিকৈ জনপ্ৰিয়৷ কয়ামত চে কয়ামত টক, ইস্ক, অণ্ডাজ অপনা অপনা, হম হ্যে ৰাহি প্যাৰ কে, টুম মেৰে হো, লাভ লাভ লাভ, দৌলত কি জং ইত্যাদি সফল বোলছবিৰ জৰিয়তে আমিৰ-জুহিয়ে সেই সময়ত খলকণিৰ সৃষ্টি কৰিছিল৷ শেহতীয়াকৈ এক অনুষ্ঠানত দীৰ্ঘদিনৰ পিচত একেলগে দেখিবলৈ পোৱা গৈছে জুহি চাওলা আৰু আমিৰ খানক৷ ইয়াৰ লগে লগে চৰ্চা চলিছে বলিউদৰ এইহাল হিট যুটিক
পুনৰ একেলদে দেখিবলৈ পোৱা যাব নেতি ৰূপালী পৰ্দাত৷ পিছে আগন্তুক পৰিকল্পনাৰ বিষয়ে এই সন্দৰ্ভত দুয়োগৰাকী তাৰকাই কোনোধৰণৰ আনুষ্ঠানিত মতামত ব্যক্ত কৰা নাই৷ আনহাতে সাজু হৈছে ছানি দেউল আৰু প্ৰীতি জিণ্টাও৷ দিল্লগী, য়্যে ৰাস্তে হ্যে প্যাৰ কে, দ্যা হিৰ’, হিৰ’জ আদি বোলছবিত একেলগে দেখিবলৈ পোৱা গৈছিল প্ৰীতি জিণ্টা আৰু ছানী পাজীক৷ একেদৰে খবৰ ওলাইছে শীঘ্ৰেই বৰ্ডাৰ-২ বোলছবিখনৰ কামো আৰম্ভ হ’ব৷ সেয়ে চিনে অনুৰাগীসকলৰ মাজত চৰ্চা
আকৌ লগ হ’ব আমিৰ,জুহি, ছানী আৰু প্ৰীতি৷ বি-টাউনৰ পৰা অহা এই খবৰ যদি সঁচা প্ৰমাণিত হয় তেন্তে পুনৰ সূচনা হ’ব ৯০ দশকৰ বলিউদ উদ্যোগৰ সেই সোণালী সুদিন৷