২০২০ বৰ্ষতো আছিল সকলোৰে বাবে ভয়াৱহ, সেই সময়ছোৱাত সমগ্ৰ বিশ্ব পৰিছিল ক’ভিড মহামাৰীৰ ত্ৰাসত। কণ কণ শিশুৰ পৰা আৰম্ভ কৰি বয়োজেষ্ঠ লোকলৈ সকলো যেন চিকাৰ হৈছিল এই মহামাৰীত। অৱশ্যে ইয়াৰ পৰা পৰিত্ৰাণ পাবলৈ অৱশেষত উলিওৱা ক’ভিড মহামাৰীৰ ভেকচিন। কিন্তু এই ভেকচিনৰ লগতে এগৰাকী ব্যক্তিয়ে কৰিলে আজৱ কাণ্ড; এটা বা দুটা নহয় এগৰাকী ব্যক্তিয়ে গ্ৰহণ কৰিলে ২১৭ টা ভেকচিন। জাৰ্মানীৰ ৬২ বছৰীয়া এজন ব্যক্তিয়ে মুঠ ২১৭ বাৰকৈ কৰ’না গ্ৰহণ কৰিছিল ভেকচিন। চিকিৎসকৰ অনুসৰি চিকিৎসা সম্পৰ্কীয় পৰামৰ্শক আওকাণ কৰি তেওঁ নিজেই এই কাম কৰিছিল। এই অবিচাছ্য পৰিঘটনাটো বিশ্ববিখ্যাত লেন্সেট এফেকটিভ ডিজিজেছ জাৰ্নেলত প্ৰকাশ কৰা হৈছে। কোৱা হৈছে যে ব্যক্তিজনে নিজে কৰ’না ভেকচিন ক্ৰয় কৰি ব্যক্তিগতভাৱে দেহত প্ৰয়োগ কৰিছিল। ২৯ মাহৰ ভিতৰত এটা এটাকৈ ২১৭টা ভেকচিন গ্ৰহণ কৰিছে, কিন্তু বৰ্তমানলৈ তেওঁৰ পৰিচয় প্ৰকাশ কৰা হোৱা নাই। ২১৭ টা ভেকচিন লোৱাৰ পাছত সুস্থ হৈ আছে ব্যক্তিগৰাকী। এৰলাংগেন-নুৰেমবাৰ্গ বিশ্ববিদ্যালয়ৰ গৱেষকসকলে মন্তব্য কৰে যে ২১৭ টা ভেকচিন লোৱাৰ পাছতো ব্যক্তিজনৰ শৰীৰত কোনো ধৰণৰ প্ৰতিক্ৰিয়া দেখা পোৱা নগ’ল, তেওঁ কোনো কষ্ট ভোগ কৰিবলগীয়া হোৱা নাছিল। চিকিৎসকলে মন্তব্য কৰে যে আমি নিজেই মানুহজনৰ পৰা তেজৰ নমুনা ল’বলৈ সক্ষম হৈছিলো। আনুষংগিক গৱেষণা চলি থকাৰ সময়তে তেওঁ নিজৰ আগ্ৰহেৰে কৰ’না ভেকচিন লৈছে।