চকুত কাজল, কপালত সৰু ফোট আৰু ওঁঠত লঘু লিপষ্টিক লৈ ঘৰৰ ​​পৰা ওলাবলৈ মহিলাসকলে পচণ্ড কৰে ৷ অৱশ্যে বহুতৰে লিপষ্টিকক লৈ আছে অতিৰিক্ত প্ৰেম। লিপষ্টিক লগাই নোলোৱাকৈ আপোনাৰ সাজ-পোছাক সম্পূৰ্ণ বুলি নাভাবে। কাজল নলগালেও বহুতে লিপষ্টিক লগাবলৈ নাপাহৰে। লিপষ্টিক অবিহনে বহুতে কতো ফুৰিবলৈও নাযায়৷ কিন্তু আপুনি জাননে প্ৰতিদিনেই লিপষ্টিক লগোৱাটো আপোনাৰ বাবে হ’ব পাৰে সমস্যা৷ কিছুমান লিপষ্টিক আছে, যাৰ ফলত ওঁঠ শুকান হৈ যাব পাৰে। আৰু যিসকলৰ ছালৰ শুকান সমস্যা আছে তেওঁলোকৰ বাবে এই সমস্যা গুৰুতৰ হ’ব পাৰে। গতিকে সঘনাই লিপষ্টিক ব্যৱহাৰ নকৰাই ভাল৷
. ৰাসায়নিক দ্ৰব্যৰ এলাৰ্জী থাকিলে লিপষ্টিক ব্যৱহাৰ কৰাত সাৱধান হওক। নতুন কোম্পানী এটাৰ লিপষ্টিক ব্যৱহাৰ কৰাৰ আগতে ভালদৰে পৰীক্ষণ কৰাটো গুৰুত্বপূৰ্ণ।
. ওঁঠত লিপষ্টিক লগালে হোৱা সংক্ৰমণ শৰীৰৰ অন্য অংশলৈ বিয়পিব পাৰে। লিপষ্টিক শ্বাস-প্ৰশ্বাসজনিত সমস্যা, চকুৰ সংক্ৰমণ আৰু হাঁচিৰ সমস্যাৰ সৃষ্টি কৰিব পাৰে।
. প্ৰতিদিনে লিপষ্টিক লগোৱাৰ আন এটা অসুবিধা হ’ল ওঁঠত ক’লা দাগ পৰাৰ আশংকা। অধিক লিপষ্টিক ব্যৱহাৰে আপোনাৰ ওঁঠ ক’লা পেলাব পাৰে৷