৭ মাৰ্চলৈ স্থগিত কৰা হ’ল কৃষকৰ দিল্লী চলো যাত্ৰা। বিগত কেইবাদিনৰ পৰা পঞ্জাৱ-হাৰিয়ানা সীমান্তৰ কেইবাটাও অঞ্চল উত্তেজনামুখৰ হৈ আছে। শেহতীয়াকৈ দেশ কপাঁই যোৱা কৃষক আন্দোলনত দুগৰাকীকৈ কৃষকে মৃত্যুক সাৱটিব লগা হৈছে। যাৰ বাবে অহা ৭ মাৰ্চলৈ প্ৰতিবাদকাৰী কৃষকসকলে স্থগিত কৰিলে দিল্লী চলো যাত্ৰা। খবৰ অনুসৰি দেওবাৰে প্ৰতিবাদকাৰী কৃষকসকলে হাতত মমবাতি লৈ পদযাত্ৰা কৰিব। উল্লেখযোগ্য যে খানৌৰী আৰু শম্ভু সীমান্ত পাৰ হবলৈ ১৪,০০০ কৃষকে আৰক্ষীৰ লগত সংঘৰ্ষত লিপ্ত হৈছিল। প্ৰতিবাদকাৰীসকলক ছত্ৰভংগ দিয়াবলৈ আৰক্ষীয়ে লাঠীচাৰ্জ কৰাৰ লগতে কন্দুৱা গেছো নিক্ষেপ কৰিছিল , যাৰ ফলত এজন কৃষকে মৃত্যুক সাৱটিৱ লগা হৈছিল। এই সংঘৰ্ষত শুভ কৰণ সিঙ নামৰ এগৰাকী যুৱ কৃষকৰ মৃত্যু হোৱাৰ লগতে, কিছুদিন পূৰ্বে আন এগৰাকী ৬০ উৰ্ধ্বৰ কৃষকে মৃত্যুক সাৱটিব লগা হৈছিল।