ইলাচী আমাৰ সকলোৰে পৰিচিত । ইলাচীক সাধাৰণতে আমি মুখ সতেজক বা মচলা হিচাপে ব্যৱহাৰ কৰো। কিন্তু ইলাচীয়ে কেৱল ব্যঞ্জনৰ সোৱাদ-গোন্ধ বৃদ্ধি কৰাই নহয়, ইলাচীয়ে আমাৰ শৰীৰটোক বহু প্ৰকাৰে উপকাৰ কৰে।
খাদ্য গ্ৰহণৰ পাছত ইলাচী খোৱাৰ ফলত গেছ আৰু এচিডিটিৰ সমস্যা নহয়। সেয়েহে দীৰ্ঘসময়ৰ বাবে বাহিৰলৈ ওলাই যাবলগীয়া হ’লে লগত ইলাচী ৰাখিব৷
আপুনি যদি সঘনাই ডিঙিৰ বিষত ভোগে, তেন্তে আপোনাৰ বাবে ইলাচী খোৱাটো অতি উপকাৰী।ইয়াৰ বাবে আপুনি খাদ্য গ্ৰহণৰ পাছত ইলাচী খাব পাৰে।
যদি কোনো ব্যক্তিৰ হিকটি বন্ধ নোহোৱা হয়, তেন্তে তেওঁ ইলাচী গ্ৰহণ কৰা উচিত। ইলাচী মুখত লৈ লাহে লাহে চোবাই থাকিলে এই সমস্যাটোৰ সমাধান হয়।
যদি আপোনাৰ মুখখন গোন্ধাই থাকে, সেউজীয়া ইলাচী চোবাই থাকিব।