আপুনি আৰু আপোনাৰ প্ৰিয়গৰাকী একেলগে থাকিলেও তেওঁলোকৰ দৃষ্টিভংগীও যে একেই হ’ব লাগিব তেনে কোনো কথা নাই। এনে বহু দম্পতি আছে যি একেলগে থাকিব পাৰে, কিন্তু দুয়োৰে চিন্তাৰ ধৰণ বহুত বেলেগ। যাৰ বাবে তেওঁলোক দুয়োজনে এটা সিদ্ধান্তত উপনীত হ’বলৈ যথেষ্ট সময় লাগে। যদি আপোনাৰো তেনে সমস্যা হৈছে বা আপোনাৰ সংগীৰ সিদ্ধান্তই আঘাত কৰে, তেনেহ’লে তেওঁৰ সৈতে কাজিয়া কৰি সম্পৰ্কটো নষ্ট নকৰি সংগী গৰাকীক নিয়ন্ত্ৰণ কৰিবলৈ কৰিব পাৰে কিছু কাম-

. আপোনাৰ সংগীৰ সৈতে মতৰ মিল নোহোৱা হয়, তেতিয়া প্ৰথম পদক্ষেপ হিচাপে আপুনি আপোনাৰ সঙ্গীৰ সৈতে কথা পাতিব। তেওঁৰ সিদ্ধান্তত আপোনাৰ কি সমস্যা আছে বুজাই দিয়ক আৰু ভালদৰে আলোচনা কৰক৷ এনে কৰিলে সম্পৰ্কৰ মাজত কাজিয়া কম হব আৰু সম্পৰ্কটো ভাল হৈ থাকিব৷
. কেতিয়াবা আপুনি আপোনাৰ সংগীৰ কথা বুজি নাপাব পাৰে। সেয়েহে সদায় ইজনৰ কথা সিজনে ভালদৰে শুনিব লাগে। ভালদৰে কথা শুনাটোয়ে যিকোনো সিদ্ধান্ত লোৱাটো সহজ কৰি তোলে। সংগী গৰাকীয়ে কোনো কথা কলে সেয়া ভালদৰে মন দি শুনিব লাগে৷ আৰু তাৰ পিছতহে সিদ্ধান্ত গ্ৰহণ কৰিব লাগে৷
. যদি আপোনাৰ বা আপোনাৰ সংগীৰ খুব খং উঠি আছে, তেন্তে সেইসময়ত কথাবোৰ ভাবিবলৈ সময় ল’ব, কাজিয়া নকৰি ভালদৰে পাছত কথাবোৰ আলোচনা কৰিব৷