এইবাৰ শৌচাগাৰ অনুদানৰ কমিছন নিদিয়াৰ বাবেই হিতাধিকাৰীৰ আঙুলি কাটিলে পঞ্চায়ত কৰ্মীয়ে। খবৰ নগাঁৱৰ। নগাঁৱৰ সংবাদদাতা পৰিস্মিতা শইকীয়াই প্ৰেৰণ কৰা বাতৰি অনুসৰি, ঘটনা সন্দৰ্ভত ননৈ আৰক্ষী থানাত গোচৰ ৰুজু কৰাৰ পাছতো কোনো তদন্ত নোহোৱাৰ বাবে আৰক্ষী অধীক্ষকৰ কাৰ্যালয়ত উপস্থিত হয় ভূক্তভোগীৰ পত্নী। নগাঁৱৰ সূতাৰ পঞ্চায়তৰ কৰ্মী তিলেশ্বৰ ভূঞাই হিতাধিকাৰি লক্ষ্মীকান্ত ভূঞাৰ পৰা অনুদানৰ শৌচাগাৰৰ কাম কৰি দিয়াৰ বাবদ বিচাৰিছিল ৩ হাজাৰ টকাৰ কমিছন। পঞ্চায়ত কৰ্মীগৰাকীক সেই কমিছন প্ৰদান নকৰাৰ বাবে হিতাধিকাৰি গৰাকীক চোকা অস্ত্ৰৰে আক্ৰমণ কৰি আঙুলি কাটে বুলি অভিযোগ উত্থাপন কৰে ভুক্তভোগীৰ পত্নীয়ে। ই সন্দৰ্ভত নগাঁও ননৈ আৰক্ষী চকীত গোচৰ ৰুজু কৰে যদিও তদন্ত নকৰাত শনিবাৰে নগাঁও আৰক্ষী অধীক্ষকৰ কাৰ্যালয়ত এক গোচৰ তৰে ভুক্তভোগীয়ে।