নিশ্চিতভাৱে শীতকালতেই এই সকলোবোৰ সমস্যাই তিতা-কেঁহা লগাই। কিন্তু আপুনি জানেনে ,ৰোগ প্ৰতিৰোধ ক্ষমতা বৃদ্ধিৰ বাবে শীতকাল কিমান উপযোগী?
শীতকালত ৰোগ প্ৰতিৰোধ ক্ষমতা অধিক শক্তিশালী হয়। এই সময়খিনিত মানুহৰ ভোক বঢ়াই,হজম শক্তি বৃদ্ধি কৰে।

বিভিন্ন শাক পাচলিৰ উপকাৰিতাঃ-
আমি সকলোৱে সজাগ যে ৰোগ প্ৰতিৰোধ ক্ষমতা বৃদ্ধি কৰা খাদ্য হ’ল ,যিবোৰ সতেজ, জৈৱিক, আৰু স্বাস্থ্যকৰ। এই সময়ছোৱাত বিভিন্ন শাক-পাচলি যেনে লাই, লফা, পালেং, ধনিয়া, বিভিন্ন কবি, বিলাহী, বেঙেনা আদি বজাৰত উপলব্ধ। সতেজ শাক-পাচলি আৰু ফল-মূল, বাদাম, শস্য বা মাহজাতীয় শস্য ঘিউ আৰু কিছুমান মছলাতো এন্টি মাইক্ৰ’বিয়াল গুণো আছে যিয়ে আমাক চৰ্দি আৰু সংক্ৰমণৰ পৰা ৰক্ষা কৰে। ইয়াৰ উপৰিও ইহঁতে পাচন এনজাইম আৰু কোষীয় বিপাকীয় কাৰ্য্য বৃদ্ধি কৰে।শৰীৰৰ বাবে আটাইতকৈ উত্তম শাক-পাচলিবোৰ হ’ল শিপাৰ শাক-পাচলি যেনে বিলাহী, আলু, পিঁয়াজ, হালধি, মূলা, ৰঙালাও, মিঠা আলু,আদি।

প্ৰটিনযুক্ত খাদ্য আৰু ইয়াৰ উপকাৰিতাঃ-
শীতকালত আমাৰ শৰীৰে চহকী খাদ্যৰ বাবে হাহাকাৰ কৰে যিয়ে পুষ্টিৰ লগতে উষ্ণতাও প্ৰদান কৰে। সাধাৰণতে মাছ,মাংস আৰু কণী প্ৰটিনেৰে সমৃদ্ধ উৎস।গতিকে তেনেধৰনৰ খাদ্য,খাদ্য তালিকাত থকাটো অতি প্ৰয়োজন।

বিভিন্ন প্ৰকাৰৰ মছলা আৰু বনঔষধীঃ-
শীতকালীন কাহ আৰু ফ্লুৰ বাবে সৰিয়হ, আজৱাইনে ভোক আৰু হজম শক্তি বৃদ্ধি কৰাৰ লগতে ৰক্ত সঞ্চালন বৃদ্ধি কৰে। শীতকালত অধিক ওলোৱা হাড় আৰু গাঁঠিৰ সমস্যাত মেথি শাক বা শুকান মেথি অতি উপকাৰী।
শীতকালত তুলসীয়েও ৰোগ প্ৰতিৰোধ ক্ষমতা শক্তিশালী কৰাত সহায় কৰে ।তুলসী এবিধ বনৌষধি যিয়ে চৰ্দি আৰু জ্বৰৰ পৰা ৰক্ষা কৰে । শীতকালত আপোনাৰ আহাৰত আদা অন্তৰ্ভুক্ত কৰিব পাৰে।শৰীৰ গৰম ৰখাত আদাই এক ভাল ভূমিকা পালন কৰে। আদাৰ বহুতো ঔষধি গুণ আছে যি আপোনাৰ ৰোগ প্ৰতিৰোধ ক্ষমতা শক্তিশালী কৰাত সহায় কৰিব। ই পাকস্থলী বীজাণুমুক্তকৰণৰ সমস্যা হ্ৰাস কৰাতো যথেষ্ট কাৰ্যকৰী।

পানী আমাৰ কাৰণে কিমান প্ৰয়োজনঃ
শীতকালত তাপমাত্ৰাৰ পৰিমাণ কম থাকে যাৰ ফলত শৰীৰৰ ভিতৰচোৱা সোনকালে শুকাই যায় আৰু পানীৰ কমকৈ খালে আপোনাৰ ডিহাইড্ৰেশ্যন, গেছ, বদহজম, মূৰৰ বিষ আদি বিভিন্ন ধৰণৰ সমস্যাই দেখা দিব পাৰে । যিহেতু পানীয়েই আমাৰ প্ৰাণ। সেয়েহে আমাৰ শৰীৰ সতেজ কৰি ৰাখিবলৈ দিনে প্ৰায় ৫ ৰ পৰা ৬ লিটাৰ পৰ্যন্ত পানী খাব লাগে।
শীতকালত স্বাস্থ্যৰ যত্ন লোৱাটো বিভিন্ন ধৰণে প্ৰয়োজনীয় হৈ পৰে। এটা কথা, ৰোগৰ পৰা নিজকে সুৰক্ষিত কৰিবলৈ যথেষ্ট পৰিশ্ৰমৰ প্ৰয়োজন।