ডিজিটেল ডেস্কঃ কাইলৈ শিৱৰাত্ৰী। ভগৱান শিৱৰ উপাসনাৰে মুখৰিত হ’ব দেশ।শিৱৰাত্ৰীৰ প্ৰাকক্ষণত আপুনি কেনেদৰে কটাব বা শিৱৰাত্ৰীৰ অনুষ্ঠানত কেনেধৰণৰ গীত শুনিব এই লৈ চিন্তিত বহুজন। মহাদেৱক আৰাধনামূলক বহু গীত আছে যদিও সকলো গীততেই আধ্যাত্নিকতা ফুটি নুঠে। কোনসমূহ গীত শুনিলে মন শাঁত পৰিব বা আধ্যাত্মিক ভাৱত আপুনি একাত্ম হ’ব। এইকেইটা গীতে শ্ৰোতাক পোনপটীয়াকৈ ঈশ্বৰৰ সৈতে সংযোগ কৰাব পৰাকৈ শক্তিশালী।

প্ৰথমেই ‘শিৱজী চলে পাল্কি সজায়’ দেৱানন্দৰ ছবি ‘মুনিমজী’ৰ এই গানটোৰ নাম পোনতেই ল’ব পাৰি, দ্বিতীয়তে ‘নমো নমো শংকৰ’ ছাৰা আলি খান আৰু সুশান্ত সিঙ ৰাজপুত অভিনীত কেদাৰনাথ ছবিখনৰ এই গীতটোক প্ৰায়সংখ্যকেই এই সময়ত শুনিব খোজে। গায়ক অমিত ত্ৰিবেদীৰ যাদুকৰী কণ্ঠৰ এই গীতটো এইবাৰো শিৱৰাত্ৰীত বহুতেই শুনা আৰম্ভ কৰিছে। তৃতীয়তে বিখ্যাত গায়ক কৈলাশ খেৰৰ ‘বম্ব বম্ব বম্ব লাহাৰী’ গানটো নিশ্চিতভাৱে মহাশিৱৰাত্ৰিত শুনিব পৰা এটা গীত। চতুৰ্থতে ‘আদিযোগী’ প্ৰসুন যোশীৰ দ্বাৰা লিখিত আৰু কৈলাশ খেৰৰ কণ্ঠত প্ৰাণৱন্ত গীতটোও বহুতেই শুনিব খোজে। পঞ্চমতে ‘শিৱ তাণ্ডৱ’ শংকৰ মহাদেৱনৰ কণ্ঠত শিৱ তাণ্ডৱে প্ৰতিগৰাকী শ্ৰোতাকেই ভক্তিৰসত ডুবাব পাৰিব।