শিৱসাগৰ জিলাৰ নামতি আঞ্চলৰ এটি অতিকৈ দৰিদ্ৰ পৰিয়ালৰ কৰুণ কাহিনী, ঘৰ বুলিবলৈ একোৱেই নাই গোহালি সদৃশ পৰিৱেশৰ মাজত মাতৃ পূত্ৰৰ জীৱন সংগ্ৰাম ।
তিনিটাকৈ কণমানি পুত্ৰক লগত লৈ এগৰাকী মাতৃয়ে কৰিছে সংগ্ৰাম। নামতি প্ৰাইভেৰীৰ বাসিন্দা প্ৰয়াত ৰাজীৱ দত্তৰ এই পৰিয়ালটোৰ বৰ্তমানৰ অৱস্থা পানীত হাঁহ নচৰা ।
বৰ্তমান ঘৰখনৰ একমাত্ৰ উপাৰ্জনকাৰী বিজু হাজৰিকা দত্ত নামৰ মহিলাগৰাকী। আমগুৰিৰ সাংবাদিক ৱাকিল আহমেদে আগবঢ়োৱা তথ্য অনুসৰি তিনিটা সন্তানক লগত লৈ জীৱনৰ সৈতে সংগ্ৰাম কৰিছে এইগৰাকী দুৰ্ভাগ্য মাতৃয়ে। ৰাজ্য চৰকাৰৰ পৰা লাভ কৰা অৰুণোদয় আঁচনিৰ টকা কেইটাৰে কথমপি জীয়াই আছে চাৰি জনীয়া পৰিয়ালটো । এই মূহুৰ্তৰ লৈকে লাভ কৰা নাই এটা চৰকাৰী আৱসগৃহ। মহিলাগৰাকীৰ এই দূদশাৰ খবৰ পাই কিছু সহায়ৰ বাবে আগবাঢ়ি আহিছে সদৌ অসম মহিলা সমিতিৰ শিৱসাগৰ জিলাৰ বিষয়া ইন্দ্ৰানী ৰাজকুমাৰী। এতিয়া দূৰ্ভগীয়া মহিলাগৰাকীয়ে ৰাইজৰ পৰা জীয়াই থাকিবৰ বাবে বিচাৰিছে সহায়।