পুনৰ Deepfakeৰ স্বীকাৰ হ’ল ক্ৰিকেট তাৰকা। শচীন তেণ্ডুলকাৰৰ পাছত এইবাৰ Deepfakeৰ বলি হ’ল ক্ৰিকেটাৰ বিৰাট কোহলী। ইতিমধ্যে সামাজিক মাধ্যমত ভাইৰেল হৈছে বিৰাটৰ এটি বিশেষ ভিডিঅ’, যিটো AI ৰ মাধ্যমেৰে প্ৰস্তুতি কৰা হৈছিল বুলি জানিবলৈ পোৱা গৈছে। সামাজিক মাধ্যমত বিৰাটৰ এটি ভুৱা ভিডিঅ’ প্ৰকাশ হৈছিল য’ত বিৰাটে এটা বেটিং এপৰ প্ৰমোচন কৰা দেখিবলৈ পোৱা গৈছে। চাইবাৰ অপৰাধী শাখাই সদৰী কৰিছে এই ভিডিঅ’টো Deepfakeৰ জৰিয়তে প্ৰস্তুত কৰা হৈছিল। অকল বিৰাট কোহলীৰে নহয় এই ভুৱা ভিডিঅ’টোত সাঙোৰ খাইছে এগৰাকী সংবাদাতাৰ নামো। ৰাষ্ট্ৰীয় পৰ্যায়ৰ আগশাৰীৰ চেনেলৰ এগৰাকী বাতৰি পৰিৱেশককো দেখিবলৈ পোৱা গৈছে এই Deepfake ভিডিঅ’টো। এই Deepfakeৰ ঘটনা সন্দৰ্ভত বৰ্তমান আৰক্ষীয়ে তদন্ত অব্যাহত ৰাখিছে।