গ্ৰীষ্মকালত পোৱা ৰঙা ৰঙৰ ৰসাল ফল লিচু সুস্বাদু হোৱাৰ লগতে স্বাস্থ্যকৰ ফল। যদিও ইয়াৰ প্ৰকৃতি গৰম, কিন্তু ভিটামিন চি, ফাইবাৰ, এন্টিঅক্সিডেন্ট আদি ভিটামিন আৰু পুষ্টিকৰ উপাদানৰ উপস্থিতিৰ বাবে গ্ৰীষ্মকালত সৃষ্টি হোৱা সমস্যাৰ পৰা হাত সাৰিবলৈ ইয়াক এক উৎকৃষ্ট ফল বুলি গণ্য কৰা হয়।

কিন্তু লিচুৰ লগত জড়িত এক মাৰাত্মক অসুবিধাও আছে। নেচনেল ইনষ্টিটিউট অৱ হেল্থৰ প্ৰতিবেদন অনুসৰি লিচুত মিথাইলিন চাইক্লোপ্ৰপাইল-গ্লাইচিন নামৰ বিষাক্ত পদাৰ্থ পোৱা যায়। ১৯৯৫ চনৰ পৰা বিহাৰত লিচু খোৱাৰ ফলত শিশুৰ মৃত্যুৰ ঘটনা অবিৰতভাৱে প্ৰকাশ পাইছে। উত্তৰ ভাৰতৰ কিছু অঞ্চলত ইয়াক চামকী জ্বৰ বুলিও কোৱা হয়। কিছু সাৱধানতা অৱলম্বন কৰিলে লিচুৰ ক্ষতিৰ পৰা হাত সাৰিব পাৰি।

লিচুত পোৱা বিষাক্ত Methylene Cyclopropyl-Glycine (MCPG) ৰ ফলত এনকেফেলাইটিছ নামৰ এক মাৰাত্মক ৰোগ হয়। জনছ হপকিন্স মেডিচিনৰ মতে এনকেফেলাইটিছ হৈছে সংক্ৰমণ বা অটোইম্যুন ৰিয়েকচনৰ ফলত হোৱা মগজুৰ কলাৰ প্ৰদাহ। ইয়াত মগজু ফুলি উঠে যাৰ ফলত মূৰৰ বিষ, ডিঙি জঠৰ হয়।

খালী পেটত লিচি খোৱাটো বিপদজনক: লিচু কেতিয়াও খালী পেটত বা বেছি পৰিমাণে খাব নালাগে। এনে কৰিলে ইয়াত ফলত থকা বিষাক্ত পদাৰ্থৰ বাবে শৰীৰৰ চেনিৰ মাত্ৰা দ্ৰুতগতিত হ্ৰাস পাবলৈ ধৰে ৷ ইয়াৰ উপৰিও বমি, মৃগীৰোগৰ লগতে ৰোগী ক’মা আৰু মৃত্যুৰ আশংকাও থাকে।

দিনটোত কিমান লিচু খাব লাগে?

দিনটোত ৬-৭ টা লিচু খালে স্বাস্থ্যৰ বাবে উপকাৰী। কিন্তু যদি আপুনি যিকোনো ৰোগৰ ঔষধ খাই আছে, তেন্তে লিচু খোৱাৰ আগতে ইয়াৰ পৰিমাণৰ বিষয়ে নিশ্চয় চিকিৎসকৰ পৰামৰ্শ লওক।

লিচুৰ ক্ষতিৰ পৰা কেনেকৈ হাত সাৰিব পাৰি:
লিচুৰ ক্ষতিৰ পৰা হাত সাৰিবলৈ সৰ্বোত্তম উপায় হ’ল ইয়াক নিয়ন্ত্ৰিত পৰিমাণত খোৱা। মনত ৰাখিব যে আপুনি খাই থকা লিচু সম্পূৰ্ণ পকা হ’ব লাগে। ইয়াৰ বাহিৰেও এই ফল উপবাসৰ সময়ত বা খালী পেটত নাখাব।