নিজকে সুন্দৰ তথা আকৰ্ষণীয় কৰি ৰখাতো সকলোৱে বিচাৰে৷ প্ৰতিগৰাকী নাৰীয়েই বিচাৰে আনৰ ওচৰত নিজৰ প্ৰশংসা পাবলৈ৷ যাৰ বাবে একাংশই যধে-মধে ব্যৱহাৰ কৰে ভিন্ন ৰাসায়নিক দ্ৰব্য মিহলি প্ৰসাধন৷ সৌন্দৰ্য বৃদ্ধি কৰিবলৈ গৈ বহু সময়ত হিতে বিপৰীতহে হোৱা দেখা যায় অধিকাংশৰ ক্ষেত্ৰত৷ প্ৰায়ে যিকোনো অনুষ্ঠানত মহিলাসকলে ব্যৱহাৰ কৰে মেকআপ৷ কিন্তু এই মেকআপ ব্যৱহাৰ সঘনাই কৰি থাকিলে ছাল বেয়া হ’ব পাৰে৷ মেকআপ সঠিকভাৱে ব্যৱহাৰ কৰিলে তেনে কোনো ক্ষতি হোৱাৰ সম্ভাৱনা নাথাকে৷ গুৰুত্বপূৰ্ণ কথাটো হ’ল মেকআপ ব্যৱহাৰ কৰাৰ পিছত ইয়াক আঁতৰাব লাগে ৷ নহ’লে ক্ষতি হোৱাৰ সম্ভাৱনা বেছি থাকে৷ মেকআপ লগোৱাৰ পিছত সকলোৱে ভিন্ন উপায়েৰে মেকআপ আঁতৰাই কিন্তু মেকআপ আঁতৰাওতে হওঁক সাৱধান অন্যথা আপোনাৰ ছালত দেখা দিব ভিন্ন সমস্যাই৷
. মেকআপ আঁতৰোৱাৰ আগতে তেলযুক্ত ক্ৰীম, নাৰিকল তেল নাইবা বাদাম তেলেৰে কিছুসময় ছালখন মালিচ কৰক৷ যাৰ ফলত সহজে মেকআপ আঁতৰাব পাৰি৷
. ১-২ মিনিটৰ বাবে তেল মালিচ কৰাৰ পিছত মেকআপৰ প্ৰকাৰৰ ওপৰত নিৰ্ভৰ কৰি Rose Water, এল’ভেৰা(Aloe Vera) বা আন যিকোনো সামগ্ৰী ব্যৱহাৰ কৰক ৷ তাৰ পাচত কপাহ বা অন্য কোমল সামগ্ৰীৰে পৰিষ্কাৰ কৰক মেকআপ।
. সম্পূৰ্ণ মেকআপ আঁতৰ কৰাৰ পাছত ফেচৱাচ বা চাবোন লগাই ঠাণ্ডা পানীৰে ভালকৈ মুখখন চাফা কৰক৷
. তাৰ পিছত মুখখনত ক্ৰীম বা Rose Water লগাওঁক৷