যকৃত শৰীৰৰ অন্যতম গুৰুত্বপূৰ্ণ অংগ। ই শৰীৰৰ আটাইতকৈ ডাঙৰ আৰু গধুৰ আভ্যন্তৰীণ অংগ। ইয়াৰ ওজন প্ৰায় ডেৰ কিলোগ্ৰাম। কিন্তু প্ৰায়ে নিজৰ অজ্ঞাতেই মানুহে শৰীৰৰ এই অংগটোক ক্ষতি কৰি আছে। এনে পৰিস্থিতিত ইয়াৰ পৰা হাত সাৰিবলৈ স্বাস্থ্য বিশেষজ্ঞসকলে কিছু টিপছ দিছে, যাৰ জৰিয়তে আপুনি এই অংগটোক সুস্থ কৰি ৰাখিব পাৰে।

স্বাস্থ্য বিশেষজ্ঞৰ মতে চিকিৎসকৰ পৰামৰ্শ অবিহনে সেৱন কৰা ঔষধে যকৃতৰ ক্ষতি কৰে। মানুহে ফাৰ্মাচীৰ পৰা ঔষধ কিনি নিজাববীয়াকৈ সেৱন কৰে। কিন্তু ইয়াৰ পৰা আঁতৰি থকা উচিত। স্বাস্থ্য বিশেষজ্ঞৰ মতে শৰীৰৰ নিজেই ইমান শক্তি আছে যে যিকোনো সমস্যাৰ সৈতে যুঁজিব পাৰে। ইয়াৰ বাবে ইচ্ছাশক্তি সবল কৰি ৰাখিব লাগে।

এই তিনিটা ঔষধে যকৃতৰ ক্ষতি কৰে

এন্টিবায়টিকঃ স্বাস্থ্য বিশেষজ্ঞৰ মতে, পেটৰ বিষৰ দৰে সৰু সৰু সমস্যাৰ বাবেও মানুহে প্ৰায়ে এই ঔষধ ব্যৱহাৰ কৰে। কিন্তু এই ঔষধে যকৃতৰ ক্ষতি কৰে।
বিষনাশক: মূৰত বা শৰীৰৰ যিকোনো অংশত বিষ হ’লে বিষনাশক ঔষধ ব্যৱহাৰ কৰা হয়। কিন্তু ইয়াৰ প্ৰভাৱ যকৃতত পৰে। স্বাস্থ্য বিশেষজ্ঞসকলে বিষনাশক ঔষধ পৰিহাৰ কৰিবলৈ পৰামৰ্শ দিয়ে।
যক্ষ্মা: টিবিৰ ঔষধে যকৃতৰ ক্ষতি কৰিব পাৰে। এই সন্দৰ্ভত স্বাস্থ্য বিশেষজ্ঞসকলে সকীয়াই দিছে।

যকৃত সুস্থ কৰি ৰখাৰ উপায়

১) খাদ্য আৰু ওজনঃ সঠিক খাদ্য গ্ৰহণ কৰি ওজন নিয়ন্ত্ৰণ কৰে। সূৰ্যাস্তৰ পিছত যিকোনো বস্তু খোৱাৰ পৰা বিৰত থাকিব।

২) ব্যায়াম: ঘাম ওলাবলৈ আৰম্ভ কৰিলে তাৰ পিছত ৩০ৰ পৰা ৪৫ মিনিট ব্যায়াম কৰক। বয়সস্থ ব্যক্তিয়ে খোজকঢ়াৰ বিপৰীতে, ডেকাসকলে জগিং কৰা উচিত।

৩) ভাল টোপনি : ভাল টোপনি শৰীৰৰ বাবে অতি প্ৰয়োজনীয়। ইয়াৰ বাবে এটা ৰুটিন ঠিক কৰক।

৪) ঔষধঃ শেষত নিতান্তই প্ৰয়োজন হ’লে চিকিৎসকৰ পৰামৰ্শ মতে ঔষধ খাব লাগে।

মানুহৰ শৰীৰত যকৃতৰ গুৰুত্ব

যকৃত শৰীৰৰ ওপৰৰ ফালে, হাওঁফাওঁৰ তলত থাকে। যকৃতৰ আটাইতকৈ ডাঙৰ ভূমিকা হ’ল গোটেই দিনটো, প্ৰতিদিনে তেজ ফিল্টাৰ কৰা। এটা সুস্থ যকৃতৰ ৰং গাঢ় ৰঙা-বাদামী হয় কাৰণ ই তেজত তিতি থাকে। যকৃতে প্ৰতি মিনিটত শৰীৰৰ এক লিটাৰতকৈ অধিক তেজ ফিল্টাৰ কৰে। আমি খোৱা খাদ্যও যকৃতে হজম কৰে।

যকৃতৰ ক্ষতি হোৱাৰ লক্ষণ

জণ্ডিচ (ছাল আৰু চকু হালধীয়া হোৱা)
ভাগৰুৱা অনুভৱ কৰা
বমি আৰু বমিৰ অনুভৱ
ভোক কমি যোৱা
হঠাৎ ওজন কমি যোৱা
পেটৰ বিষ বা পেট ফুলা
প্ৰস্ৰাৱৰ ৰং ক’লা হোৱা