ডিজিটেল ডেস্কঃ মহাকাশত বিজ্ঞানীমহলে প্ৰত্যেক দিনেই চলাই আছে বিভিন্ন গৱেষণা। শেহতীয়াকৈ চাৰিজন মহাকাশচাৰীসহিতে ছয় মাহৰ বাবে মহাকাশলৈ পঠিওৱা হৈছিল এখন যান। মহাকাশত ছমাহ ধৰি থকা এই মহাকাশযানখনে পৃথিৱীলৈ ঘূ্ৰি অহাৰ পথতে অথন্তৰ লাগিল। এলেন মাস্কৰ কোম্পানী স্পেচ এক্স ক্ৰু-২ য়ে চলোৱা অভিযান সুকলমে সামৰি উভতাৰ পথতে যানখনত থকা শৌচালয়টো ভাঙি পৰে। ফলস্বৰূপে, মহাকাশ কেন্দ্ৰৰ চাৰিজন মহাকাশচাৰীয়ে বিপাঙত পৰিছে। ডায়েপাৰৰ ব্যৱহাৰ কৰিবলৈও সীমিত ডায়েপাৰ যানখনত থকাৰ বাবে পৃথিৱীৰ পৰা ডায়েপাৰ অহালৈ অপেক্ষা কৰিব লগা হৈছে। মহাকাশযানখনত থকা মহাকাশচাৰীসকলে একেৰাহে ২০ ঘণ্টা ধৰি একেটা ডায়েপাৰ পিন্ধি আছে বুলি প্ৰকাশ কৰিছে মহাকাশ সংস্থা নাছাই। নাছাই কয় যে শৌচাগাৰৰ ক্ষতিৰ বাবে পৃথিৱীৰ পৰা প্ৰায় ৪০০ কিলোমিটাৰ ওপৰৰ মহাকাশযানত চাৰিজন মহাকাশচাৰীয়ে একেৰাহে ২০ ঘণ্টা ডায়েপাৰ পিন্ধি আছে। এই অভিযানকালত বিজ্ঞানীসকলে বিভিন্ন সমস্যাৰ মুখামুখি হৈছে যদিও এই সমস্যাটোৱে এতিয়া গুৰুত্বৰ হৈ পৰিছে বিজ্ঞানীসকলৰ বাবে। সমগ্ৰ অভিযানটোত অংশগ্ৰহন কৰিছিল জাপান এৰোস্পেচ এক্সপ্লোৰেচন এজেন্সিৰ আকিহিকো হোছিডে, নাছাৰ শ্বেন কিমব্ৰো আৰু মেগান মেকআৰ্থাৰ আৰু ইউৰোপীয় মহাকাশ সংস্থাৰ থমাছ পেচকাট।