ডাইনিং টেবুল বা টেবুল-চকীত বহি খোৱাটো বৰ্তমান এটা ট্ৰেণ্ড হৈ পৰিছে৷ মাটিত বহি খাদ্য খোৱাটো যেন বহুতৰ বাবে লাজৰ কথা৷ পিছে জানেনে মাটিত বহি বা তলত বহি খাদ্য খালে আমাৰ শৰীৰৰ বহু উপকাৰ হয়৷

. মাটিত বহি খালে আমি এখন ভৰি আনখন ভৰিৰ ওপৰত ৰাখি যিদৰে বহি থাকোঁ সেয়া হৈছে পদ্মাসনৰ ভংগীমা৷ এই আসনৰ জৰিয়তে মানসিক চাপ দূৰ কৰে৷
. মজিয়াত বহি খালে শৰীৰৰ ভংগীমা ভাল হয় আৰু ভিন্ন সমস্যা দূৰ হয়৷ এইদৰে বহি খালে মেৰুদম্ডৰ তলৰ অংশত মানসিক চাপ পৰে, আপোনাৰ উশাহ-নিশাহৰ হাৰ নিয়ন্ত্ৰণ হয়, ৰক্তচাপ হ্ৰাস পায়৷
. মাটিত বহি খালে তেজৰ সঞ্চালন উন্নত হয় আৰু শিৰাৰ টানও আঁতৰ হয়৷ ইয়াৰ ফলত হৃদযন্ত্ৰৰ চাপ কমে আৰু হৃদযন্ত্ৰ অধিক শক্তিশালী হয়৷
. মজিয়াত বহি খালে পেট, কঁকালৰ পেসীবোৰ টানি যায়, যাৰ ফলত বিষসমূহৰ পৰা উপশম পায়৷