সাধাৰণতে আৰ্থিকভাৱে দুৰ্বল লোকসকলে নিজৰ উপাৰ্জনৰ পথ হিচাপে বিভিন্নধৰণৰ পন্থা অৱলম্বন কৰে। কেতিয়াবা এই আৰ্থিক অভাৱে ভয়াবহ ৰূপ ধাৰণ কৰে আৰু যাৰ বাবে একাংশ লোকে ভিক্ষাৰ পথ বাছি লয়। হয়তো ভিক্ষা খুজিও কিছুলোকে জীৱন নিৰ্বাহ কৰিব নোৱাৰে । কিন্তু কেনেকুৱা অনুভৱ হ’ব বাৰু যেতিয়া এগৰাকী লোকে ভিক্ষা কৰিয়েই মাহিলী উপাৰ্জন কৰে লাখৰ ঘৰত। শুনিবলৈ অবিচাছ্য যেন লাগিলেও এয়া হৈছে সত্য, এই আজৱ ঘটনা সংঘটিত হৈছে চীনত। যোৱা ১২ বছৰ ধৰি লু জিংগাং নামৰ এজন পেছাদাৰী চীনা অভিনেতাই জনপ্ৰিয় আৰু জনবহুল স্থানত ভিক্ষা কৰি টকা উপাৰ্জন কৰি আহিছে। তেওঁ এজন দুখীয়া ভিক্ষাৰীৰ বাদে আন একো নহয়। অৱশ্যে তেওঁৰ উৎকৃষ্ট অভিনয় দক্ষতাই তেওঁক নিজৰ কামত মহান কৰি তোলে আৰু জীৱিকা উপাৰ্জনত সহায় কৰে। চীনৰ হেনান প্ৰদেশৰ কিংমিং শ্বাংগে গাৰ্ডেনৰ দৃশ্যমান এলেকাত বিগত ১২ বছৰ ধৰি ভিক্ষা কৰি থকা পেছাদাৰী অভিনেতা লু। মলিৰে মুখখন ঢাকি লৈ দুখী মুখ এখন ৰাখি অলপ ক্ষয়-ক্ষতিৰ সৈতে সামান্য কাপোৰ পিন্ধে। তেওঁৰ পৰিস্থিতিৰ প্ৰতি পৰ্যটকে যাতে কৰুণা কৰে আৰু তেওঁৰ বাবে পকেট খালী কৰে, তাৰ বাবে তেওঁ ভিক্ষাৰ কলাক নিখুঁত কৰিছে। পৰ্যটন স্থানত ভিক্ষা কৰি মাহে ৮ লাখ টকা উপাৰ্জন কৰিবলৈ সক্ষম হৈছে। বিভিন্ন সংবাদ প্ৰতিষ্ঠানে মন্তব্য লু জিংগাং চীনৰ অন্যতম এগৰাকী ধনী ভিক্ষাৰী। ভিক্ষাৰী হিচাপে লু জিংগাঙৰ অভিনয়ে ইণ্টাৰনেটত যথেষ্ট চৰ্চা লাভ কৰিবলৈ সক্ষম হৈছে।