ডিজিটেল ডেস্কঃ এখন ব্যতিক্ৰমী বিবাহ, সমগ্ৰ দেশতে এতিয়া চৰ্চা লাভ কৰিছে এই বিবাহে৷ সাধাৰণতে দৰাই কইনা আনিবলৈ গাড়ী, ঘোঁৰা বা হাতীত উঠি যায়, কিন্তু কেতিয়াবা দৰাই কইনা আনিবলৈ এম্বুলেন্সত যোৱা শুনিছেনে? হয়টো নাইশুনা ,মুঠতে দৰাই বিয়া পাতিবই, কইনাক নিবলৈ এম্বুলেন্সেৰে আহিল দৰা, হোমৰ গুৰিলৈ আহিল ষ্ট্ৰেচ্ছাৰত উঠি, দৰা জন হৈছে ৰাহুল৷ ৰাজস্থানৰ উদয়পুৰত সম্পন্ন এই বিয়া, এইখন বিয়াই এতিয়া বিশেষ চৰ্চা লাভ কৰিবলৈ সক্ষম হৈছে সমাজিক মাধ্যমত৷

বিয়ালৈ আছিল মাত্ৰ ৫দিন আছিল, বিয়াৰ ৫দিন পূৰ্বে এক দুৰ্ঘটনাত পতিত হয় আহত হয় দৰা ৰাহুল কাটাৰিয়া। দুৰ্ঘটনাত তেওঁৰ ভৰি ভাঙিছিল আৰু তাৰপাছত ভৰিত প্লাষ্টাৰ বান্ধি দিয়া হৈছিল ৰাহুলক৷ ৰাহুলৰ ভৰিত সুমুৱাই দিয়া হ’ল এডাল ৰ’ড, ৰাহুলক বিচনাত থাকিবলৈ পৰামৰ্শ দিয়া হৈছিল৷ এনে পৰিস্থিতিত কোনেও বিয়া পতাৰ কথা ভাবিবও নোৱাৰে, কিন্তু ৰাহুল কাটাৰিয়াই নিৰ্দিষ্ট তাৰিখতে বিয়া পতাৰ সিদ্ধান্ত লয়৷ বিয়াৰ বাবে সুন্দৰকৈ সকলো পৰিকল্পনা আৰু আয়োজন কৰাৰ পাছত বিয়া পিছুৱাই দিবলৈ মন নকৰিলে ৰাহুলে৷ ৰাহুলৰ সিদ্ধান্তক দুয়োঘৰৰ পৰিয়ালে সমৰ্থন জনালে৷ কইনা ৰিতিকা নাথানীয়েও নিৰ্দিষ্ট তাৰিখতে বিয়া পাতিবলৈ সহমত প্ৰকাশ কৰিলে, তাৰ পাছতেই দৰা হৈ ৰাহুল কাটাৰিয়া এম্বুলেন্সেৰে উপস্থিত হ’ল বিবাহস্থলীত উপস্থিত৷ এই ব্যতিক্ৰমী বিবাহে সকলোৰে দৃষ্টি আকৰ্ষণ কৰিবলৈ সক্ষম হৈছে বৰ্তমান সময়ত৷