আপুনি কাৰোবাৰ সৈতে কথা পাতি আছে, বা আপুনি কাৰোবাৰ ঘৰলৈ ফুুৰিবলৈ গৈছে তেনে অৱস্থাত যদি আপুনি আলহীৰ সৈতে কথা বতৰা নাপাতি কেৱল ফোনটেৰ সৈতে ব্যস্ত থাকে তেন্তে ভাল দেখিব জানো৷ এই ধৰক আপুনাৰ সম্মুখত কোনোবাই ফোনত কথা পাতি আছে আৰু আপোনাৰ কথা কোনো গুৰুত্ব প্ৰকাশ কৰা নাই তেন্তে আপোনাৰ বাৰু কেনে লাগিব? নিশ্চয় বেয়া লাগিব নহয়নে? গতিকে সদায় কাৰোবাৰ সৈতে কথা পাতি থকা অৱস্থাত ফোন চাই নাথাকিব বা ফোনত কথা পাতি নাথাকিব৷ এই ধৰণৰ অভ্যাসে আপোনাক কেতিয়াবা লাজত পেলাব৷ কোনোবাই আপোনাৰ সৈতে কোনো কথা আলোচনা কৰিব বিচাৰিছে কিন্তু আপুনি তেওঁৰ কথা গুৰুত্ব নিদি নিজৰ ফোনটো চাই আছে বা ফোনত কথা পাতি আছে তেনে অৱস্থাত তেওঁ হয়তো কষ্ট পাব৷ আৰু কেতিয়াবা যদি আপুনি তেনে অৱস্থাত কাৰোবাক কাষত বিচাৰে আৰু আপোনাৰ সৈতে তেনে ব্যৱহাৰ কৰে আপোনাৰ মনটো নিশ্চয় ভাঙি পৰিব৷ গতিকে সদায় কোনোবাই যদি আপোনাৰ সৈতে কথা পাতিব বিচাৰে তেন্তে ক্ষন্তেকৰ বাবে ফোনটো আতঁৰত থৈ তেওঁৰ কথা অলপ মনোযোগেৰে শুনিবলৈ চেষ্টা কৰিব৷