ডিজিটেল ডেস্কঃ পেন কাৰ্ড প্ৰয়োজনীয় নথিসমূহৰ ভিতৰত এখন গুৰুত্বপূৰ্ণ নথি। আপোনাৰ পেন কাৰ্ড আছেনে? আপুনি বিবাহিত নেকি? বিবাহৰ পূৰ্বেই পেন কাৰ্ড লৈছিল নেকি? বিবাহৰ পূৰ্বেই লাভ কৰা পেন কাৰ্ডখন নথি হিচাপে আপুনি আৰু ব্যৱহাৰ কৰিব নোৱাৰিবও পাৰে। একাংশ মহিলাই বিবাহৰ পিছতেই নিজা উপাধি সলনি কৰি স্বামীৰ উপাধি গ্ৰহণ কৰে। ঠিকনাৰ ক্ষেত্ৰতো অন্য এখন ঠাইৰ বাসিন্দা হৈ পৰাৰ বাবে একাংশৰ ঠিকনাৰ সলনিও কথাটোও প্ৰয়োজনীয় হৈ ধৰা দিয়ে। পেন কাৰ্ডখন যিহেতু এখন গুৰুত্বপূৰ্ণ নথি গতিকে ইয়াত থকা ঠিকনা উপাধি সঠিক কৰি ৰখাটো প্ৰয়োজনীয়। তেনেক্ষেত্ৰত আপুনি যদি আপোনাৰ পেন কাৰ্ডত থকা পূৰ্বৰ নাম-ঠিকনা সলনি কৰিব বিচাৰে তেন্তে পেন কাৰ্ডত আপুনি সালসলনি কৰিব লাগিব বহুকেইটা কথা।

কেনেধৰণে সাল-সলনি কৰিব পেন কাৰ্ডৰ নাম-ঠিকনা?

ঘৰত থাকিয়েই আপুনি আপোনাৰ পেন কাৰ্ডৰ নাম ঠিকনা সলনি কৰিব পাৰিব। মোবাইলৰ জৰিয়তে এনএছডিএলৰ ঠিকনালৈ আবেদন কৰিব পাৰিব। পোনতে এখন ই-পেন আবেদন পত্ৰ ডাউনলোড কৰক। আবেদন পত্ৰখনত নিজা উপাধি-ঠিকনা লিখক। কেৱল নাম-ঠিকনা দিয়াই নহয় এই ঠিকনা সত্য তাৰো প্ৰমাণ আগবঢ়াৱ লাগিব। আবেদনত ফটোও গাঁথি দিয়াটো জৰুৰী। ইয়াৰ ওপৰিও যদি অফলাইনযোগে আবেদন কৰিব বিচাৰে তেন্তে আবেদনখন অনলাইনযোগে বিচাৰি আবেদনৰ হাৰ্ডকপি উলিয়াই আনি নিজা ঠিকনা আৰু পৰিচয় লিখাৰ লগতে দুখন ফটোৰ লগতে নিজা স্বাক্ষৰসহ প্ৰয়োজনীয় নথিসমূহ ডাকযোগে প্ৰেৰণ কৰিব পাৰে। আবেদন কৰোতে ভাৰতবৰ্ষৰ ভিতৰত বাস কৰা নাগৰিকে ১১০ টকা আৰু বিদেশত থকাসকলে ১০২০ টকা পৰিশোধ কৰিব লাগিব। নেট বেংকিঙৰ জৰিয়তে এই ধন পৰিশোধ কৰিব লাগিব।