জুৰীয়াৰ বালুৰচৰ বজাৰত বিদ্যুৎ বিভাগৰ কৰ্মকাণ্ডত অতিষ্ঠ গ্ৰাহকৰ প্ৰতিবাদ। বিদ্যুৎ সংযোগ নথকা তথা কৰ্তন হৈ থকা গ্ৰাহকৰ নামত বিদ্যুৎ বিভাগে প্ৰেৰণ কৰিলে হাজাৰ হাজাৰ টকাৰ বিদ্যুৎ বিল। ধিং বিদ্যুৎ উপ-সংমণ্ডলৰ এলেকাধীন বালুৰচৰ বজাৰৰ ব্যৱসায়ী আনৱাৰ হুছেইনক বিদ্যুৎ সংযোগ নিদিয়াকৈ পঠিয়ালে ২৫,০০০ হাজাৰ টকাৰ বিল। বিদ্যুৎ কৰ্তন কৰি দিয়া বন্ধ দোকানলৈ প্ৰেৰণ ২৬,৮০৪ টকাৰ বিদ্যুৎ বিল। বিদ্যুৎ বিভাগৰ এনে কাণ্ডত অতিষ্ঠ হৈ পৰে ৰাইজ। বিদ্যুৎ বিভাগে বালুৰচৰ আৰু বহু কেইজন গ্ৰাহকক এই দৰে ৰামটাঙোন সোধোৱাত ক্ষুব্ধ গ্ৰাহকে সাব্যস্ত কৰে প্ৰতিবাদ। বিদ্যুৎ বিভাগৰ বিৰুদ্ধে বিভিন্ন শ্লোগানেৰৰে উত্তাল কৰি তোলে বালুৰচৰৰ পৰিবেশ।