আজি বিশ্ব ফটোগ্ৰাফী দিৱস।প্ৰতিগৰাকী ব্যক্তিৰ মনত থাকে এজন ফটোগ্ৰাফৰ সুপ্ত প্ৰতিভা, কোনোবাই যদি কেমেৰাৰ লেন্সত নহ’লে কোনোবাই নিজৰ স্মাৰ্ট ফোনৰ কেমেৰাত আৱদ্ধ কৰি ৰাখে নিজে তোলা আটাইতকৈ প্ৰিয় ফটোখন। একাংশই এই ফটোগ্ৰাফীৰ নিচাক পেচালৈও কৰিছে ৰূপান্তৰ। সাম্প্ৰতিক সময়ত এই ফটোগ্ৰাফীৰ মাধ্যমেদি বিশ্ব জিনিবলৈ সক্ষম হৈছে বহু লোকে, অৰ্জনো কৰিছো জনপ্ৰিয়তা। ঠিক তেনেদৰে ফটোগ্ৰাফী কৰিয়েই জীৱন নিৰ্বাহ কৰিছে তেজপুৰৰ ফটো সাংবাদিক সমীৰ কৰে। ফটোগ্ৰাফীৰ প্ৰতি চখ সমীৰ কৰে নিজক প্ৰতিষ্ঠিত কৰিছে এগৰাকী ফটো সাংবাদিক হিচাপে। ১৯৮৪ চনৰ পৰাই ফটোগ্ৰাফীক নিজৰ জীৱিকা হিচাপে বাছি লোৱা সমীৰ কৰে নিজা ঘৰতে গঢ়ি তুলিছে হেৰিটেজ কেমেৰাত কেন্দ্ৰ। অতি পুৰণি কেমেৰাৰ পৰা আৰম্ভ কৰি বৰ্তমানৰ ডিজিটেল কেমেৰাও সংগ্ৰহ কৰিছে ফটো সাংবাদিকগৰাকীয়ে । বৰ্তমান সময়ত মোৱাইল কেমেৰা আৰু ডিজিটেল ফটোগ্ৰাফিয়ে প্ৰত্যাহ্বান সৃষ্টি কৰিছে পেছাগত ফটোগ্ৰাফাৰ সকললৈ।