কাহিনীটো শুনিলে আপুনিও আচৰিত হৈ পৰিব। বলীউডৰ চিনেমাৰ দৰেই কাহিনী। ‘judaai’ চিনেমাখন নিশ্চয় চাইছে য’ত অনিল কাপুৰৰ দুগৰাকী পত্নী থাকে। এনে বহুকেইখন চিনেমা আছে য’ত এনে দৰে দুগৰাকী পত্নী আছে।
আপুনি নিশ্চয় বলীউডৰ ছবিত অভিনেতাসকলে নিজৰ প্ৰকৃত প্ৰেমৰ বাবে যুঁজ দিয়া প্ৰায়ে দেখিছে। কিন্তু বাস্তৱ জীৱনত এইটো কেতিয়াবা দেখিছেনে?এনে এক ঘটনা সংঘটিত হৈছে শেহতীয়া। যিটো ঘটনাৰ ভিডিঅ’ ভাইৰেল হৈ পৰিছে সামাজিক মাধ্যমত।
আচলতে এখন বিয়া চলি আছে আৰু তাৰ মাজতে হঠাতে দৰাৰ প্ৰেমিকা আহি উপস্থিত হয় বিবাহথলীত। আশ্চৰ্যজনক কথাটো হ’ল প্ৰেমিকাগৰাকীয়ে কইনাৰ সাজ পিন্ধি আহি মঞ্চত উঠি কইনাৰ লগত কাজিয়া আৰম্ভ কৰে। এই কাজিয়া দেখি বিমোৰত পৰে গৰা। দৰাই দুয়োৰে মাজত হোৱা কাজিয়াও ভাঙিবলৈও চেষ্টা কৰে। কিন্তু দুয়োৰে কাজিয়া বেছিকৈ কৰাহে পৰিলক্ষিত হয়।
ইফালে এই কাজিয়া মাজতে সকলোৰে দৃষ্টি ঢোলবাদকজনৰ ফালেও যায়, যিয়ে ইমান গুৰুতৰ পৰিস্থিতিতো ঢোল বজাই থাকে। দৰা-কইনা, তেওঁৰ প্ৰেমিকা আৰু ঢোলবাদকজনক লৈ ইতিমধ্যেই আৰম্ভ হৈছে ব্যাপক চৰ্চা।