অসমৰ সাংস্কৃতিক জগতত ভ্ৰাম্যমাণ নাট্যদল সমূহৰ অৱদান অপৰিসীম। ১৯৬৩ চনৰ পৰা বৰ্তমানলৈ ভ্ৰাম্যমাণ থিয়েটাৰৰ অনিৰুদ্ধ যাত্ৰা অব্যাহত ৰখাৰ অহোপুৰুষাৰ্থ চেষ্টা কৰি আহিছে ভ্ৰাম্যমাণ জগতৰ অভিনেতা অভিনেত্ৰীসকলৰ লগতে কলা-কুশলীসকলে৷ ২০২৩ নাট্যবৰ্ষৰ বিভিন্ন ভ্ৰাম্যমাণ নাট্য দলসমূহে নাটসমূহ আখৰাগৃহৰ পৰা ওলাই ৰাজ্যৰ ভিন্ন প্ৰান্তত বৰ্তমান প্ৰদৰ্শিত হৈ আছে। বৰ্তমানো ভ্ৰাম্যমাণ নাট্য দল সমূহৰ জনপ্ৰিয়তা ইমানেই বেছি যে প্ৰচণ্ড বতাহ, বৰষুণ কাতি কৰি হ’লেও নাট্যপ্ৰেমী ৰাইজে উপভোগ কৰে ভ্ৰাম্যমাণ থিয়েটাৰৰ নাট৷
জনতাৰ মাজত এই আকৰ্ষণ বজাই ৰখাৰ অহোপুৰোষাৰ্থ চেষ্টা চলাই আহিছে ভ্ৰাম্যমাণ জগতৰ প্ৰতিটো নাট্যদলে৷ সেয়া কহিনুৰ থিয়েটাৰেই হওক বা আৱাহন বা ৰাজতিলক বা হেঙুল৷ একেদৰে ভ্ৰাম্যমাণে দিছে বহু নৱাগতক উৎকৃষ্ট মঞ্চ। এইবাৰ ভ্ৰাম্যমাণৰ মঞ্চত দেখিবলৈ পাব নৱাগতা আশা ৰিয়াক।
শেহতীয়াকৈ ২০২৪-২৫ নাট্যবৰ্ষত অসমৰ আগশাৰী ভ্ৰাম্যমাণ নাট্যদল ইতিহাস থিয়েটাৰত সৈতে চুক্তিবদ্ধ হৈছে বলিষ্ঠ অভিনেতা যতিন বৰা আৰু মোহময়ী অভিনেত্ৰী আশা ৰিয়া ফুকন ভ্ৰাম্যমাণ জগতৰ এই আগতীয়া খবৰে এটা বিষয় স্পস্থ কৰিছে যে অতিশীঘ্ৰেই ভ্ৰাম্যমাণ জগতত আহিছে পৰিৱৰ্তনৰ জোৱাৰ।