এহাল চুপাৰ দম্পতিৰ কথা পাতিম আজি। এই দম্পত্তিহালৰ আছে দুখন মুখা। জনতাৰ সম্মুখত সততা আৰু ভিতৰে ভিতৰে সেই জনতাৰ বুকুতে দিয়ে থিয় গোৰ। বছৰ বছৰ ধৰি এই দম্পত্তিহালে বহু দৰিদ্ৰ জনতাৰ পেটৰ ভাত কাঢ়ি খাইছে। কেৱল পেটৰ ভাতেই নহয় খাইছে দমকল।

আজি আলোচনা কৰিম বিয়াগোম বিয়াগোম দুৰ্নীতি সংঘটিত কৰা ভৰত নৰহ আৰু ৰাণী নৰহৰ কু-কীৰ্তিৰ বিষয়ে৷

চৰকাৰী আঁচনিৰ ধন আত্মসাৎ কৰি এইবাৰ তদন্তকাৰী সংস্থাৰ জালত পৰিছিল লখিমপুৰৰ প্ৰাক্তন সাংসদ ৰাণী নৰহ৷ সম্পূৰ্ণ নীতি-নিয়ম উলংঘা কৰাই নহয়, সাংসদ পুঁজিৰ অধীনত হিতাধিকাৰীক সামগ্ৰী বিতৰণ নকৰাকৈ আমোলা-বিষয়াৰে মিলি ১ কোটি টকা হজম কৰা প্ৰাক্তন সাংসদ ৰাণী নৰহৰ বিৰুদ্ধে গোচৰ ৰুজু হৈছিল মুখ্যমন্ত্ৰী বিশেষ বিশেষ তদাৰকী কোষত ৷ ২০১৩-১৪ চনত মাজুলীত সাংসদ পুঁজিৰ অধীনত দমকল বিতৰণত ব্যাপক অনিয়ম সংঘটিত হোৱাৰ তথ্য কেগৰ প্ৰতিবেদনত উন্মোচিত হৈছিল৷ ইয়াৰ পিচতে সমগ্ৰ বিষয়টোক লৈ মুখ্যমন্ত্ৰী তদাৰকী কোষে কৰা তদন্ততো এই অনিয়ম ধৰা পৰিছিল৷ যাৰ বাবে প্ৰাক্তন সাংসদ ৰাণী নৰহৰ লগতে যোৰহাটৰ তদনীন্তন গৱেষণা সহায়ক জিতুমণি দত্ত, ঠিকাদাৰী প্ৰতিষ্ঠান মেছাৰ্ছ বৰুৱা এণ্ড ছনছৰ স্বত্বাধিকাৰী জনৈক বৰুৱা আৰু প্ৰাক্তন সাংসদ ৰাণী নৰহৰ ব্যক্তিগত সহায়ক ৰঞ্জিত চুতীয়াৰ বিৰুদ্ধে গোচৰ ৰুজু হৈছিল৷ উল্লেখ্য যে কেন্দ্ৰীয় চৰকাৰৰ জনজাতীয় পৰিক্ৰমা বিভাগৰ দায়িত্বত থকা প্ৰাক্তন সাংসদ ৰাণী নৰহে বিষয়া-কৰ্মচাৰীৰে মিলি এনেদৰে আঁচনিৰ ধন আত্মসাৎ কৰিছিল তাৰ এটা এটাকৈ তথ্য উন্মোচিত হৈছিল কেগৰ লগতে মুখ্যমন্ত্ৰীৰ বিশেষ তদৰাকী কোষৰ অনুসন্ধানৰ প্ৰতিবেদনত৷ এই প্ৰতিবেদনতে উন্মোচন হোৱা তথ্য অনুসৰি

২০১৩-২০১৪ চনত মাজুলীত সাংসদ এলেকা উন্নয়ন ৷

আঁচনিৰ অধীনত ৩,২১৫ টা দমকল স্থাপনৰ উদ্যোগ লোৱা হৈছিল ৷
প্ৰতিটো দমকলৰ বাবদ ৩,১১০ টকাকৈ ধাৰ্য্য কৰা ৷
এই আঁচনিখনৰ বাবে আৱণ্টন দিয়া হৈছিল ১ কোটি টকা ৷

কিন্তু আশ্চৰ্য্যজনকভাৱে দুখীয়া দৰিদ্ৰ শ্ৰেণীৰ জনসাধাৰণৰ বাবে গ্ৰহণ কৰা আঁচনিৰ নামত প্ৰাক্তন কংগ্ৰেছী সাংসদ ৰাণী নৰহে ছত্ৰছায়াত সমগ্ৰ আঁচনিৰ ধন আত্মসাৎ কৰা হৈছিল৷ কেৱল এয়েই নহয় এইগৰাকী কংগ্ৰেছী ৰাণী নৰহৰ বিৰুদ্ধে দলীয় বিসম্বাদৰো আছে গুৰুতৰ অভিযোগ৷ একেদৰে লখিমপুৰ জিলা কংগ্ৰেছৰ সভানেত্ৰীৰ আসন দখল কৰি থকাৰ সময়ত দলীয় কৰ্মকৰ্তাৰ পৰা ধন উঠাই বন্ধ কৰিছিল জিলা কংগ্ৰেছৰ বেংক একাউণ্ট৷ কেৱল এয়েই নহয়, অসম প্ৰদেশ কংগ্ৰেছ কমিটিয়ে এসময়ত ৰাণী নৰহক বিজেপিৰ এজেণ্ট বুলিও অভিযোগ উত্থাপন কৰিছিল৷ অভিযোগ অনুসৰি ভৰত নৰহ আৰু পত্নী ৰাণী নৰহে কংগ্ৰেছৰ শাসন কালত এনে কেইবাটাও দুৰ্নীতি সংঘটিত কৰিছিল৷
কিন্তু এইবোৰ কৰিও যেন ক্ষান্ত হোৱা নাই দুৰ্নীতিক হাড়ে হিমজুৱে সোমাই লোৱা বিধায়ক নৰহ পত্নী৷ এইবাৰ ভূমি কেলেংকাৰীত নাম সাঙোৰ খাইছে ভৰত নৰহৰ
চৰকাৰী মাটি দখল কৰি বাগান পাতিছে ভৰত নৰহে ৷ বাগানৰ নাম দিয়া হৈছে ৰাণী নৰহ চাহ বাগিছা৷ শুনক এই সন্দৰ্ভত কি ক’লে লখিমপুৰৰ বিধায়ক মানৱ ডেকাৰ৷
বিধায়ক মানৱ ডেকাৰ অভিযোগ অনুসৰি৷ মাতমৰাৰ ৰাইজক উচ্ছেদ কৰি এই বাগান খোলা হৈছিল লগতে ১৯৯৮ চনৰ পৰাই সেই ভূমি দখল কৰিছে ভৰত নৰহে৷ এয়া মাঁথো কেৱল আৰম্ভণিহে- নৰহ দম্পত্তিয়ে ক্ষমতাৰ বলত আৰু কিমান দুৰ্নীতি সংঘটিত কৰিছে হিচাপ কৰিলে হয়তো তালিকা দীঘলীয়া হ’ব৷