বিশ্ব স্বাস্থ্য সংস্থাই নিসংগতাক এক গুৰুতৰ ৰোগ বুলি অভিহিত কৰিছে। WHO ৰ মতে নিসংগতাই মানুহকো হত্যা কৰিব পাৰে, ই ইমানেই ভয়াৱহ ৰোগ যে ইয়াৰ বাবে যুৱক-যুৱতীসকল হতাশাত ভুগিব পাৰে।
Covid ৰ পিছৰে পৰা সমগ্ৰ বিশ্বতে মানসিক ৰোগ দ্ৰুতগতিত বৃদ্ধি পাইছে। ইয়াৰ কাৰণ বুলি উল্লেখ কৰিছে বিশ্ব স্বাস্থ্য সংস্থাই নিসংগতাক। বিশ্ব স্বাস্থ্য সংস্থা (WHO)ৰ মতে নিসংগতা বিশ্ব স্বাস্থ্যৰ চিন্তাৰ বিষয়। ইয়াৰ ফলত বহু লোকে মাৰাত্মক ৰোগৰ দিশে ঠেলি দিছে। নিসংগতাৰ সন্দৰ্ভত WHO-এ কি উদ্বেগ প্ৰকাশ কৰিছে জানি লওক।
বিশ্বজুৰি নিসংগতা এক গুৰুতৰ ৰোগ। নিসংগতাৰ বাবে বিভিন্ন কাৰণত মানুহে প্ৰাণ হেৰুৱাইছে। WHOৰ তথ্য অনুসৰি নিসংগতাই ১৫টা চিগাৰেটৰ দৰে ৰোগ সৃষ্টি কৰিব পাৰে। নিসংগতা এটা গুৰুতৰ ৰোগ, য’ত বিভিন্ন কাৰণত এজন ব্যক্তিৰ মৃত্যু হ’ব পাৰে।
বিশ্ব স্বাস্থ্য সংস্থাই নিসংগতাক বিশ্ব স্বাস্থ্যৰ চিন্তাৰ বিষয় বুলি ঘোষণা কৰিছে। কেৱল এয়াই নহয়, এই সমস্যাৰ ওপৰত ডব্লিউ এইচ অ’ই আন্তঃৰাষ্ট্ৰীয় আয়োগ গঠন কৰিছে, যাৰ নেতৃত্বত থাকিব আমেৰিকান চাৰ্জন জেনেৰেল ডাঃ বিবেক মূৰ্তি আৰু আফ্ৰিকান ইউনিয়নৰ যুৱ ৰাষ্ট্ৰদূত চিডো ম্পেম্বা। ডাঃ বিবেক মূৰ্তিৰ মতে নিসংগতা দিনটোত ১৫টা চিগাৰেট খোৱাৰ দৰেই বেয়া। একে সময়তে মেদবহুলতা আৰু শাৰীৰিক নিষ্ক্ৰিয়তাৰ লগত জড়িত বিপদৰ কাৰণ এইটোৱেই। বৰ্তমান সময়ত নিসংগতাই যুৱক-যুৱতীসকলৰ লগতে বৃদ্ধসকলকো ইয়াৰ বলি কৰি তুলিছে।
উল্লেখযোগ্য যে নিসংগতাৰ বাবে ডিমেনচিয়া হোৱাৰ সম্ভাৱনা ৫০% আৰু ক’ৰ’নাৰী ধমনী ৰোগ বা ষ্ট্ৰোক হোৱাৰ সম্ভাৱনা ৩০% বৃদ্ধি পায়। একে সময়তে ই যুৱক-যুৱতীসকলৰ আয়ুস হ্ৰাস কৰি আছে। পৰিসংখ্যা অনুসৰি ৫%ৰ পৰা ১৫% কিশোৰ-কিশোৰী অকলশৰীয়া। আফ্ৰিকাত ১২.৭% কিশোৰে নিসংগতা অনুভৱ কৰাৰ বিপৰীতে ইউৰোপত ইয়াৰ হাৰ ৫.৩%।
বিশেষজ্ঞসকলৰ মতে যদি আপুনি অতি নিসংগ অনুভৱ কৰে, তেন্তে আপুনি অলপ সামাজিক হোৱাটো প্ৰয়োজন। বহু সময়ত নিজকে জোৰকৈ ওলাই আহি বন্ধু-বান্ধৱীৰ লগত বহিব লাগে। ইয়াৰ দ্বাৰা নিসংগতাৰ পৰা মুক্তি পোৱাত সহায় হয়। বিশেষজ্ঞসকলৰ মতে যদি সমস্যাটো ভয়াৱহ হৈ পৰে তেন্তে তৎক্ষণাত চিকিৎসকৰ সৈতে যোগাযোগ কৰিব লাগে। ইয়াৰ দ্বাৰা সহায় হ’ব আৰু আপুনি কোনো ভুল সিদ্ধান্ত লোৱাৰ পৰা আঁতৰি থাকিব পাৰিব।