সকলো মানুহেই ডেকাই হওঁক বা বৃদ্ধ, নাৰীয়ে হওঁক বা পুৰুষেই সকলোৱে নিজৰ ফালে আনৰ দৃষ্টি আকৰ্ষণ কৰাৰ ইচ্ছা ৰাখে, যিটো মানুহে প্ৰকাশ নকৰে৷ বহুতেই আকৌ বাস্তৱ জীৱনত সকলোৰে মাজত জনপ্ৰিয় হবলৈ বহু কাম কৰে৷ কিন্তু এই জনপ্ৰিয় হবলৈ নিজকে অলপ সলনি কৰি ভদ্ৰলোকৰ শাৰীত উপনীত কৰিব লাগিব৷ ভদ্ৰলোক এনে এক গুণ যাৰ বাবে তেওঁক শিশুৰ পৰা বৃদ্ধলৈ, পুৰুষৰ পৰা মহিলাৰ লৈকে সকলোৱে পছন্দ কৰে, সন্মান কৰে, আনতকৈ এক সুকীয়া দৃষ্টিৰে চায়৷ মানুহ কেৱল ভদ্ৰ বা শান্ত হলেই কাৰোবাৰ প্ৰিয়ভাজন হব নোৱাৰে, প্ৰিয় হবলৈ স্মাৰ্ট হোৱাটোও প্ৰয়োজন৷ এতিয়া জানিব লাগিব কিদৰে নিজক স্মাৰ্ট কৰিব পাৰি৷ তাৰ বাবে সকলোৱে পুালন কৰিব লাগিব কেইটামান টিপছ-
১. নিজকে সদায় চাফ-চিকুণকৈ ৰাখিব লাগে৷ আপুনি যিমানেই স্মাৰ্ট নেদেখাওঁক কিয় যদি আপোনাৰ দেহৰ পৰা দুৰ্গন্ধ ওলায়, মুখৰ পৰা দুৰ্গন্ধ ওলায় তেন্তে কোনো ব্যক্তি আপোনাৰ প্ৰতি আকৰ্ষিত নহ’ব৷ সেয়ে সদায় দৈনিক দুবাৰকৈ দাঁত পৰিষ্কাৰ কৰক, দৈনিক স্নান কৰক, পিন্ধা কাপোৰ সময়ত ধুই নিজক পৰিষ্কাৰ কৰি ৰাখক৷
২. সদায় নিজৰ সৈতে ৰুমাল ৰাখিব৷ মানুহৰ সৈতে কথা বতৰা পাতিলে হঠাৎ আপোনাৰ হাচি বা কাহ আহিব পাৰে সেয়ে আপোনাৰ লগত সদায় ৰুমাল ৰাখক৷
৩. সদায় নিজৰ আভ্যন্তৰীণ মনৰ লগতে বাহ্যিক সৌন্দৰ্যৰ ওপৰত গুৰুত্ব দিব৷ বাহ্যিক সৌন্দৰ্যৰ প্ৰতি গুৰুত্ব দিয়া মানে এইটো নহয় যে আপুনি দামী জোতা-চেণ্ডেল, কাপোৰ পৰিধান কৰিব৷ আপোনাৰ যি আছে তাকেই পৰিপাটিকৈ পৰিধান কৰক৷
৪. নিজৰ সীমাবদ্ধতা সদায় বজাই ৰাখক৷ আনৰ কোঠাত প্ৰৱেশ কৰাৰ আগত অনুমতি লওঁক, কাৰোবাৰ ঘৰলৈ গলে দুৱাৰত টুকৰ মাৰি সোমাওঁক বা কলিং বেলৰ সহায় লওঁক৷
৫. ধাৰ লোৱা, ভাগবতৰা কৰোঁতে সাৱধান৷ আনৰ পৰা কোনো সামগ্ৰী ললে, সময়ত ঘূৰাই দিয়াই ভদ্ৰলোকৰ কাম৷
৬. স্মাৰ্ট আৰু ভদ্ৰলোক হ’বলৈ আনৰ পৰা বিশ্বাস জিনিব লাগিব৷ কাৰোবাৰ গোপনীয়তা ৰক্ষা কৰাজনৰ আসন সদায় আনতকৈ উচ্চ স্থানত৷
৭. কাৰোবাৰ সৈতে বাৰ্তালাপ কৰিলে বাৰে বাৰে মোবাইলটো চাই নাথাকিব৷ জৰুৰী ফোন আহিলে তেওঁক জনাই সেই ঠাইৰ পৰা উঠি আহি কথা পাতিব৷
৮. আনে কথা কৈ থকা অৱস্থাত মাজত অন্য কথা নুলিয়াব৷