পানী খোৱাটো সুস্থ হৈ থকাৰ এক উপায়। পানীৰ অভাৱত শৰীৰত বহু সমস্যাৰ সৃষ্টি হ’ব পাৰে, পানীৰ অভাৱত লোকৰ মৃত্যু পৰ্যন্তও হ’ব পাৰে, ঠিক সেইদৰেই কিন্তু অতিৰিক্ত পানী খোৱাটোও মাৰাত্মক হ’ব পাৰে।

স্বাস্থ্য বিশেষজ্ঞসকলে কয় যে একেলগে প্ৰচুৰ পৰিমাণে পানী খালে ই ব্যক্তিগৰাকীৰ বাবে মাৰাত্মক হ’ব পাৰে। ইয়াৰ ফলত পানীৰ বিষক্ৰিয়া হ’ব পাৰে।

শৰীৰত অতিৰিক্ত পানী থাকিলে তাত ছ’ডিয়াম দ্ৰৱীভূত হ’বলৈ আৰম্ভ কৰে। ইয়াৰ ফলত তেজত থকা ছডিয়াম স্বাভাৱিকতকৈ বহু কম হৈ পৰে।

ইয়াৰ ফলত মগজুৰ কোষ অৰ্থাৎ মগজুৰ এডিমা ফুলি উঠিব পাৰে, যাৰ ফলত শৰীৰৰ অংগসমূহলৈ তেজৰ যোগান বন্ধ হ’ব পাৰে। যদিও, এইটো এটা অতি বিৰল সমস্যা, কিন্তু যেতিয়াই কোনো ব্যক্তিয়ে প্ৰয়োজনতকৈ অধিক পানী খায়, তেতিয়াই ইয়াত থকা ইলেক্ট্ৰ’লাইটবোৰ তেজত পাতল হৈ পৰে।

স্বাস্থ্য বিশেষজ্ঞৰ মতে এজন সুস্থ ব্যক্তিক প্ৰতিদিনে কিমান পানীৰ প্ৰয়োজন হয় সেয়া তেওঁৰ স্বাস্থ্য, লিংগ, জীৱনশৈলী আৰু বতৰৰ ওপৰত নিৰ্ভৰ কৰে।

আমেৰিকাৰ নেচনেল একাডেমী অৱ চাইন্স এণ্ড ইঞ্জিনিয়াৰিং-মেডিচিনৰ তথ্য অনুসৰি পুৰুষৰ বাবে দৈনিক ৩.৭ লিটাৰ পানী আৰু মহিলাৰ বাবে ২.৭ লিটাৰ পানী খোৱাটো সম্পূৰ্ণ নিৰাপদ।